THOBILE MBATHA
I-South African Social Security Agency (SASSA) isikhiphe amanani okunyuswa kwezibonelelo zikahulumeni okuzoqala kusukela mhlaka-1 Ephreli. Lokhu kulandela ukwenyuswa kwesibonelelo sikahulumeni okwamenyezelwa enkulumweni kaNgqongqoshe wezeziMali uMnu.Enoch Godongwana ngoFebhuwari.
Ngokusho kwesitatimende esithunyelwe kwabezindaba sithe, enkulumeni yesabelomali uGodongwana uthe uR66 billion uzokwabelwa uMnyango wezokuThuthukiswa koMphakathi kanti u-R36 billion owokuxhasa ukwelulwa kwesibonelelo sikahulumeni seCovid-19 u-R350 kuze kube umhlaka-31 Mashi 2024, kanti u-R30 billion uzosetshenziselwa ukuxhasa okuhlobene nokwehla kwamandla emali.
Siqhuba sithe, Izibonelelo zabadala nabakhubazekile zizokhuphuka ngo-R90 mhlaka-1 Ephreli kulandele ukwenyuka ngo-R10 mhlaka-1 Okthoba ibe u-R2090, kanti isibonelelo sezingane sizokhuphuka ngo-R30 kusukela mhlaka 1 Okthoba siye ku-510 ebese kuthi i-Foster Child Grant izokhuphuka ngo-R60 sibe u-R1130.
Ngokwemininingwane yakwa-SASSA, abahola impesheni abaneminyaka engaphezu uka-75 bazothola u-R20 ngaphezulu. Bese kuthi i-Military veteran’s izothola u-R2100 kusukela mhlaka-1 Ephreli ebesinyuswa ngo-R10 ngenyanga ka-Okthoba. Kuphetha isitatimende.
