Ubuholi obuphezulu kuMasipala weTheku bebuphume ngobuningi bakho
ukuyozibonela impumelelo yezomnotho kanye nezokuvakasha edalwe umjaho we
Hollywoodbets, Durban July, obubanjelwe eGreyville Racecourse ngoMgqibelo
womhlaka 1 July.
Lomjaho waminyaka yonke udonse izinkumbi zabantu ebebevela kuzozonke
izifundazwe okubalwa phakathi kwazo osomabhizinisi, osaziwayo kwezobumnandi,
ubuholi obuphezulu kuhulumeni kanye noNdunankulu waKwaZulu-Natali uNkk
Nomusa Dube-Ncube.
Ubuholi obuphezulu kuMasipala weTheku obebuholwa ukhansela Mxolisi Kaunda
bekukhona ukuzibonela izithelo zalomjaho obugqame ngemibukiso yengqephu
enhlobonhlobo, ubumnandi, osomabhizinisi nabo abebethole ithuba lokudayisa
ngemikhiqizo yabo.
Njengenjwayelo umjaho we Durban July osuneminyaka eminingi uqhutshwa usize
kakhulu indima yamabhizinisi ikakhulukazi yezokuvakasha, eyezokuthutha kanye
nekaqedisizungu lokhu okwenze ngcono umnotho wedolobha iTheku.
Ubuholi bukaMasipala weTheku ubuyingxenye ye Hollywoodbets Durban July 2023
