NgeSonto lomhlaka 24 September 2023 iphephandaba iKZN Namuhla lisingathe ngempumelelo umcimbi wokuklomelisa amaCiko asafufusa, obekuhambisana nokubungaza iminyaka engu-25 kwasungulwa iphephandaba. Lomcimbi obesekungowesibili kusukela gonyaka ka 2022 ububanjelwe eBat Centre eThekwini, KZN.
Ngokusho koMhleli kanye nomsunguli we KZN Namuhla Artists Awards uNksz. Sheila Mhlongo, uzwakalise ukuthi lomncintiswano wokuqhudelana kusetshenziswa uhlelo lokuqokwa kwamaCiko uqale ngenyanga ka Meyi kwabe sekulandela uhlelo lokuqokwa ngokuvota kusetshenziswa uhlelo lwe SMS kwaze kwaba kufika usuku lokutonyulwa amaCiko adle umhlanganiso ezigabeni ezahlukene okubalwa, Maskandi, Gospel, Afro Pop, Hip Hop, Special Awards ngokwezigaba ezahlukene okubalwa phakathi kwazo, abakhubazekile, abezinhlangano zomphakathi, Best Presenters, Poetry, kanye ne Fashion Designer.
Kulonyaka isibalo samaCiko abengenele sikhuphukile uma kuqhathaniswa nonyaka ophelile ka 2022, kanti lomncintiswano uphinde waheha amaCiko avela nakwezinye izifundzwe okubalwa phakathi kwazo iGauteng, Eastern Cape kanye nakhona lapha KwaZulu-Natali.
Phakathi kwezimenywa eziqavile ebezihambele lomcimbi kube Indlovukazi Mapule ovule ngomthandazo, uMnu Linda Mbonambi oyiNhloko yoPhiko lwe Area Based Management kuMasipala weTheku, owemukele izihabeli zomcimbi, kube uNksz M S Pupuma oyiNhloko eMnyangweni wezokuThuthukiswa koMnotho, ezokuVakasha kanye nezeMvelo obemele uNgqongqoshe uMhlonishwa S Duma, waphinde wethula inkulumo yokhuthaza amaCiko kanye nokuwanika ulwazi mayelana nezinhlelo zokuthuthukiswa kwamaCiko kuwona umnyango,kube uNobhala we CIFFSA okuyinhlangano ebhekele amaCiko eNingizimu Afrika, uDJ Sobz, obonge iKZN Namuhla ngomsebenzi omuhle wokuhlonipha amaCiko ngomsebenzi wawo njengoba esikhathini esiningi enganakiwe wabe esewakhuthaza ukuthi asondele ajoyine ukuba amalunga ayo inhlangano ukuze asizakale.
AmaCiko aphinde athola ithuba lokusina ededelana eveza amakhono awo kwezomculo kanye nokuhaywa kwezinkondlo. Njengoba intombazane encane efunda eNingizimu Special School ebe ngomunye othole umklomelo ngaphansi kwesigaba sabakhubazekile (Dissable People on the Move) uAsanda Mbatha, ngenxa lekhono lakhe lokuhaya izinkondlo ezinomyalezo.
ICiko eliwashaye wonke emakhanda uSphesihle Mthembu odume ngelika Ibhunu Leplazi owenza umculo kaMaskandi kanye neAfro Pop yena uwole izindondo ezine (4) ezigabeni ezahlukene waphinde wathola nomklomelo wamavoti amaningi ukwedlula wonke amaCiko.
Kanti kulonyaka kuhlomule ngisho amaCiko akwezinye izifundazwe okubalwa iEastern Cape uPat Nkonyeni owine indondo ye BEST FEMALE SOLO ARTIST, uThambo Lentliziyo owine owe BEST POET, uSiyanda Magqabi owine owe GOSPEL SONG OF THE YEAR, Philisiwe Madikizela owine owe GOSPEL SONG OF THE YEAR, uBusiswa Songela obengenele iGOSPEL BEST NEW kanye neCiko lase Gauteng uViktor Matoto ozuze kweye HIP HOP BEST NEW COMER.
