SHEILA MHLONGO
Njengoba uqala unyaka ka 2024 inyuvesi iKwaZulu-Natali (UKZN), isungule isifundo sokucija abafundi ngolwazi kweze Social Justice and Citizenship, okuyiModule emayelana nokukhanyisela abafundi abenza unyaka wokuqala enyuvesi ukuze bakwazi ukuqonda ngezindlela zokuphilisana nabanye abantu ngokwehlukana kwabo ngaphandle kokubandlulula.
Ngokwesitatimende esithunyelwe iUKZN kwabezindaba, sichaza sithi, iModule ye Social Justice and Citizenship iyisifundo eziphoqelekile kubafundi abenza unyaka wokuqala enyuvesi, ngoba siqukethe ulwazi oluhlanganisa Ukuhlukumezangokobulili,(GBV), Ukucwasa ngokobuhlanga (racism), ukucwaswa ngokobuzwe (xenophobia) kanye nokucwasa ngokobulili (homophobia).
Siqhuba isitatimende sithi leModule isungulwe ngenxa yokuthi kubonakale kunesidindo sokushitsha indlela abafundi abacabanga ngayo uma behlangene nabanye abantu abahlukile kunabo ukuze bafunde indlela yobuntu. Kanti babalelwa ku 9000 abafundi abazohlomula ohlelweni lwezifundo ezitholakala enyuvesi, lemodule izobe iphoqelekile kubobonke abafundi abenza unyaka wokuqala, leModule izobe iqukethe ama-lecture ayisishagalombili (8) atholakala online kanye namakilasi angu-8 lapho kuzobe kuchazwa khona ngeModule .
Okuhle ngale Module abafundi bazothola ukuchazeleka ngolimi lwesingisi (English)kanye nangolimi lwesiZulu, ngalokho abasuke bekufunde online. LeModule izoqhutshwa nge semester yokuqala neyesibili ukuze abafundi bafunde indlela yokuphatha kahle abanye abantu ngendlela enobuntu kanye nozwelo ukuze babe nekusasa elihle.
IPhini likaVice-Chancellor ophikweni lwe Teaching and Learning eUKZN ekanye noSihlalo we Task Team, USolwazi (Professor) Thabo Msibi, uthi inyuvesi ijabule kakhulu ngaleModule ngoba ngayo banethemba lokukhiqiza abafundi abanozwela kwabanye abantu nabazokwazi ukusombulula izinkinga zokuphathwa kabi kwabantu emphakathini.
LeModule iqaliswe ophikweni College of Humanities nge-semester yesibili kunyaka ka 2023, lapho bekusetshenziswa izinsiza ezaba zirekhodiwe kanye namakilasi amancane abesiza ukuthi abafundi bakwazi ukuthola ukuchazeleka nokubakhuthaza ukuthi nabo babe nezwi lokuxoxa ngalokho asebeke bahlangabezana nakho. Inhloso kuwukuthi bafunde ngokwenza.
Eminyakeni edlule izenzo zokuhlukumeza ngokobulili ziyezanda kakhulu, lokhu okukhathaze kakhulu ubuholi basemanyuvesi abaye baqhamuka nezindlela ezizokwazi ukusobulula lenkinga ngezindlela ezahlukene.
Ngalendlela leModule inyuvesi iUKZN izobe ibamba iqhaza ekuthuthukisweni kwabafundi abazothola ukucijwa ngolwazi nangamakhono okubhekana nokuxazulula zonke izinkinga ezimayelana oobandlululo, ukucindezelwa, kanye nodlame lapha ngaphakathi eNingizimu Afrika.
