SBUSISO MAMBA
Iqembu lesizwe iBafana Bafana libuyise isithunzi ebholeni lase Ningizimu Africa liwina indondo yethusi emqhudelwaneni we Africa Cup of Nations ( AFCON ) ebibanjelwe e Stade Felix Houphouet Boigny e- Abidjan ezweni lase Ivory Coast. URonwen Williams ongunozinti nokaputeni weBafana uphinde waba yiqhawe etakula iNingizmu Africa sekushaywa amaphenathi emdlaweni wabo Democratic Republic of congo ( DRC) belwelwa indawo yesithathu .
Umdlalo uphele ngo 0-0 naku extra time ayikho evume kugoba uphondo kwaze kwakhahlelwa amaphenathi , ilapho uWilliams aphinde wenza adume ngazo evimba amaphenathi eDRC ka Chancel Mbemba no Meshack Elia, iBafana igcine inqobe lomdlalo ngo 6-5 yaqeda endaweni yesithathu yawina indondo yethusi , yayigcine kuthola lomphumela ngonyaka 2000. Ingakho abaningi bebonga ukufika kwalomqeqeshi weBafana u Hugo Broos, ezinkudleni zokuxhumana abawuvali umlomo ngobuhlakani nobuchule buka Broos .
Umsebenzi ka Broos olandelayo ukufaka iqembu lesizwe endebeni yomhlaba i World Cup ka 2026 ezodlalelwa eCanada nase Mexico
