SBU MAMBA
IMamelodi Sundowns ishubise umbango wesicoco se-Betway Premiership , ama Brazillians abhaxabule iSekhukhune United ngo 3-0 ahlala esicongweni se Betway Premiership , amagoli Amasandawana avalelwe phakathi uIqraam Rayners , uSales kanti igoli lesithathu abafana be-Sekhukhune babhekwe isambane umkhonto ugwaze ekhaya kube yi (Own Goal) eshaywe uTshibwabwa Yamba Yamba.
Lomphumela uthathe iSundowns wayibeka ku namba 1, kanti iPirates isihleli kunamba 2 ezakaMagebhula zishwaywe yi Stellenboosch ngo 1-0 kodwa ama Brazilllians naMabhakabhaka bayalingana ngamaphuzu, bobabili banamaphuzu awu 21 ,emidlalweni ewu 8 , bobalili bashaywe kanye , bawine kawu 4 kodwa iSundowns inamagoli amaningi , iGoal difference iSundowns iku 18:4 kanti iPirates ihleli ku 13:4 , uQhude manikiniki zindala zombili.
Abahlaziyi bebhola bathi uma iligi ingathathwanga iSundowns izothathwa iPirates omabili lamaqembu adlala ibhola elinenkosi phakathi , banabadlali abasenzingeni eliphezulu , iSundowns inenhlanhla yokuthatha iligi , isiyiwine amahlandla ayisikhombisa elandelana (7) kanti Amabhakabhaka azigwazela ibhece kuMTN 8 Cup . Kanti kwembulwa kuyembeswa kuNatal Rich Boys kukhona okusina kuyijeqeza , i-Richardsbay FC evike izembe ngonyaka odlule ihleli emsileni we Betway PremiershipLog ikunamba 16 ,ine draw eyodwa , inamaphuzu awu 5 nje kuphela emidlalweni ewu 9 kanti kunamba 15 kuhleli iMagesi FC enamaphuzu awu 6.
Izinto azihambi kahle kuligi kubafana beMagesi FC ethuse abaningi ishaya IMamelodi Sundowns kuma Finals eCarling Knock Out Cup. Ezinye izinsizwa ezidonsa ngodizili AmaZulu FC ne TS Galaxy nabo banamaphuzu ayisithupha kuphela.
