SHEILA MHLONGO
I-SABC 1: Yethula uhlelo olusha olusihloko sithi:Amalanga Awafani oluwuchungechunge lwangempela olwakhiwe inkampani yomabonakude neyama-filimu ewine imiklomelo, iStained Glass TV – esikwaze ukunikeza izethameli zayo izinhlelo ezidumile ezifana no-Uzalo, eHostela Isizini 1, Durban Gen, Ifalakhe, Lingashoni kanye nochungechunge lwama-filimu kuNetflix olubizwa Umjolo olubekwe phambili ngabakhiqizi abaphezulu uGugu Zuma Ncube, uPepsi Pokane noThuli Zuma.
Lolu chungechunge oluyidrama lulandisa indaba emnandi nephathekayo yabafowethu nodadewethu ababili (uFanele Zulu noNonsikelelo Mthiyane) abazithola impilo yabo ishintsha ngemva kokuthi unina (uMpumy Dlamini) ewine ilotho, bese eshona kungazelelwe ebashiyela izigidi ezingama-R20 000 000. Laba bobabili bazibophezela ukulandela amaphupho abo okuba izihlabani ezaziwayo zomculo kaMaskandi eNingizimu Afrika. Uhambo lwabo lugcwele uthando, amahlazo, inkanuko, udumo, intela yomndeni kanye nokukhohlwa kwabantu abaseduze nabo.
Kwenzekeni kuze kube manje?
Kwisiqephu sokuqala sangomhlaka-28 Ephreli, kwethulwa abalingiswa ababili abaziwa ngelika Amawele Odumo – uThembi noSabelo, ngesikhathi benquma ukungena emncintiswaneni womculo kaMaskandi benethemba lokusindisa ikhaya labo. Kodwa izinto ziguquka ngokushesha futhi ubaby mama kaSabelo usekhona ukukhipha iqiniso ngokushesha! Izingxabano ziyaqhubeka njengoba sibona amawele ethandana namaphoyisa, imbuzi eyebiwe nomzimba ofile. Amawele nawo enza isinqumo sokufuna ubaba wawo ongazibandakanyi nawo ukuze abasize emngcwabeni kaMaDuma – lokhu akwamukeleki kahle kumkakhe wamanje. Sekuphelela evikini, ubudlelwano buyonakala futhi kuqala ukuthungathwa kwethikithi leLotho lwenza abalingiswa bethu babe netwetwe.
