SBU MAMBA
IKaizer Chiefs abafana bokuthula noxolo ezika Shintsha Guluva ompetha abasha sha beNedbank Cup 2025 , impofana ijabulise abalandeli bayo ibasula izinyembezi zeminyaka ibhaxabula i-Orlando Pirates ngo 2-1 emdlaweni weNedbank Cup Final obuse Moses Mabhida Stadium eThekwini ngomgqibelo ntambama , amagoli eChiefs ashaywe uGastin Sirino noKaputeni uYusuf Mart kanti elokubika ekhaya lePirates lishaywe u-Evedience Makgopa.
Umqeqeshi wamaKhosi uNasreddine Nabi usiqedile isomiso seminyaka eyishumi iChiefs ingawini izicoco lomqeqeshi odabuka kwelase Tunisia kumthathe izinyanga eziyishumi nje kuphela ukunqoba isicoco eNaturena waphinde wafaka iChiefs emqhudelwaneni wase-Africa iConfederation Cup , oGiovani Solinas , Molefi Ntseki , Gavin Hunt , Stuart Baxter , Ernest Middendorp ,Arthur Zwane noCavin Johnson bonke labaqeqeshi bahluleka bancama ukuletha izicoco eNaturena.
Abalandeli abaningi beChiefs bajabule ngathi bawine iWorld Cup babhiyoze ubusuku bonke ubungafunga ukuthi kuhlukana unyaka . Amabhakabhaka eze kulomdlalo anethemba ukuthi azozidlela amahlanga ku Chiefs kanti ababuzanga elangeni badibana nezimbila zithutha ziholwa emhlophe phambili yabatalabha iChiefs yakhala yemuka nendebe yeNedbank.
IChiefs ayibanga nesizini enhle kodwa lendebe izoba ngumthoba nhliziyo kubaladeli beChiefs abafana bokuthukla noxolo bahleli endaweni yesishiyagalombili ku Log yeBetway Premiership iselelwe imidlalo emibili nje kuphela uma inqoba lemidlalo izokwazi ukuthola amaphuzu ayisithupha ingene emqhudelwaneni weMTN 8 ngesizini ezayo .
