SHEILA MHLONGO
Ngomhlaka-18 Juni 2025, iKhomishini Yokhetho yaseNingizimu Afrika (IEC) isingathe ingqungquthela yezinsuku ezimbili ebandakanya izinkulumo zokubonisana mayelana nezindlela zokuphatha imali kwezombusazwe. Le ngqungquthela, eyenzeke okokuqala ngqa, ibihlose ukuhlola indlela yokwenza ngcono umthetho ohlangene nokuxhaswa kwamaqembu ezepolitiki, kulandela iminyaka emine kusetshenziswa uMthetho Wezimali Zepolitiki ka-2018.
Inhloso enkulu yale ngqungquthela ebisihloko sithi “Ukuqinisa Ubuholi Bezinhlangano Eziningi Ngezimiso Ezingcono Zokuxhaswa Kwepolitiki”, wukuqinisa ubuqotho, ukusobala, kanye nokubambisana phakathi kwezinhlaka ezahlukene.
Phakathi kwezikhulumi eziphambili zihlanganisa uSihlalo we-IEC uMosotho Moepya, uMqondisi Omkhulu uSy Mamabolo, kanye noMnyango Wezimali Zepolitiki ochaze izinto eziphumelele nezibhekene nezinselelo. I-HSRC iphinde yethule imiphumela yocwaningo mayelana nombono womphakathi ngale ndaba.
UNgqongqoshe Wezezimali u-Enoch Godongwana wethule inkulumo, ebigxile ekuxhasweni kwabamele umphakathi ngenhloso yokuqinisa intando yeningi.
Le ngqungquthela ibandakanya osopolitiki, amalungu ephalamende, abacwaningi, abezenhlalakahle, abezindaba, amabhizinisi nezikhungo zamazwe ngamazwe. UMamabolo ugcizelele isidingo sokubambisana ekwenzeni izimali zepolitiki zibe sobala futhi zilawuleke.
Ingqungquthela ibanjelwe e-Umhlanga, eThekwini, kusukela ngomhlaka-18 kuya ku-19 Juni 2025.
