THOBILE MBATHA
UNgqongqoshe wezokuThuthukiswa koMphakathi uNksz. Lindiwe Zulu, ngenyanga kaFebhuwari ubenomkhankaso wokuhlangana nabahlomuli bezibonelelo zikahulumeni abaphumelele uMatric ka-2022.
Ngokusho kwesitatimende esithunyelwe abezindaba sithe, abahlomuli bezibonelelo zikahulumeni bakhule ngendlela emangalisayo besuka ku-0.2% beya ku-8.7% ngonyaka odlule, kuphinde kwabonwa abafundi besifazane abaningi.
“Lemiphumela iphinde yaveza ukuthi abafundi abebethola isibonelelo enyakeni ka-2022 babhale kancono ukunalabo ebebehoxisiwe ngenxa yeminyaka yabo. Abahlomuli abangasebenzi bathole izinga elingu-75.22% kwathi abafundi bebanga leshumi babe u-87.20%. lokho kuzodala ukuthi sikhuphuke isibonelelo esiqondene nengane kuze kube yilapho umfundi eqeda ibanga leshumi.” kusho uMnyango.
Izibalo ezikhishwe uMnyango wezeMfundo eyisisekelo siveze ukuthi bawu-39 724 abahlomuli abaphase ngamalengiso ezifundweni ezibucayi njenge-Accounting, Business Studies, Economics, Mathematics nePhysical Science.Lokhu kusebenza kahle kwabo kukhombise iqhaza elibalulekile elibanjwe yizinqubomgomo ezivuna abaswele, nalabo abahlala ngabodwana emakhaya.
Ngesikhathi somhlangano bagqqugquzele abafundi ukuthi basebenze ngokuzikhandla njengoba bedlulela esigabeni esilandelayo semfundo yabo. uMnyango kanye noNSFAS bebesebenzisana ukwenza isiqiniseko sokuthi abahlomula izibonelelo zikahulumeni abemukeliwe ezikhungweni zemfundo ephakeme bayahlolisiswa njengoba bebethola uSASSA. ephetha.
