THOBILE MBATHA
Izibonelelo zikahulumeni zizokwenyuka zisuka ku-R233 billion ziye ku-R248.8 billion emzamweni wokubhekelela ukwanda kwesibalo sabantu abaholayo, uMnyango wezezimali uthe, unyusile waphinde walula iCovid-19 social relief of distress.
Ngokusho kwesitatimende esithunyelwe sithe, Ngokomqulu weSabelomali sika-2023 zizonyuka zisuka ku-R233 billion ngo-2022/23 ziye ku-R248.4 billion ngo-2025/26 ngenxa kokwenyuka kwenani labaholayo. “ngaphandle kwesibonelelo sikahulumeni seCovid-19, imali yesibonelelo sikahulumeni kulindeleke ukuthi ikhule isuka kwabahlomulayo ababalelwa ezigidini eziyi-18.6 ngoMashi 2023 iye eyigidini-19.6 ngoMashi 2026.” esho.
UNgqongqoshe wezeziMali, uMnu. Enoch Godongwana, uthe kuzosetshenziswa u-R30 billion ukuze kunyuswe ezinye izibonelelo zikahulumeni okuhambisana nokwehla kwamandla emali.
Izibonelelo zabadala nabakhubazekile zikhuphuke ngo-R90 ngo-Ephreli 2023, kanye no-R10 ngo-Okthoba 2023. Isibonelelo sezingane sisuka ku-R480 siye ku-R510, sisuka ku-R1070 siye ku-R1130 ndawonye yenza cishe amaphesenti awu-70 esamba sezindleko zesibonelelo sikahulumeni.
Le mixhaso emibili izohlinzekwa kwabahlomulayo abangu-17.5 million ngo-2023/24. zizokwenyuka ngokuhambisana Ngo-2023/24, u-R35.7 billion wabelwe uMnyango wezokuThuthukiswa koMphakathi ukuze uxhase lesi sibonelelo, kwathi u-R400 million wabelwe i-South African Social Security Agency.” esho
“Umsebenzi wokweseka ukufakwa kwezenhlalo nezomnotho kwabesifazane, intsha, nabantu abaphila nokukhubazeka uzoqhubeka, uMnyango wabesifazane, intsha, unikezwe u-R2.7 billion eminyakeni emithathu ezayo.”ephetha.
