SAMUKELISIWE MBONAMBI
Abahlali bakuwadi 41, KwaMashu, basabele kwikhwelo lombutho wamaphoyisa iSouth African Police Services (SAPS) lokusiza ukwenza imiphakathi yabo iphephe. Bakhombise ukuzibophezela kwabo ekusizeni ukunqanda ubugebengu endaweni ngezinhlelo zasewadini zokulwa nobugebengu.
Lokhu kuza ngemuva kokutholakala kwesidumbu sowesifazane ngasenkundleni yezemidlalo kule ndawo (eDampini). Abahlali babambe iqhaza emsebenzini omkhulu wokukhuculula.
IKhansela lewadi uNhlanhla Sibisi lithe sebudlondlobele ubugebengu kule ndawo kodwa ke, izinhlaka zomthetho ngeke zibekezelele lutho ehlangene nobugebengu.
“Ngebhadi, ubugebengu budla lubi ewadini yethu ngemuva kokutholakala kwesidumbu eduze kwaseDampini. Asikuthathi kancane lokhu,” kuchaza ikhansela
Abahlali baKwaMashu kuwadi 41 bahlanganyele nabomthetho ukuze kudingidwe izixazululo zobugebengu kule wadi. Lokhu kuhlanganisa ukukhucululwa kwezindawo ezisetshenziswa yizigebengu ukucasha.
“Ngenkathi abomthetho besaqhubeka nophenyo, umphakathi uqale umkhankaso wokuhlanza ukuze kwehliswe izenzo zobugebengu nokucasha enkundleni yezemidlalo,” usho kanje.
Imininingwane yokuxhumana nesikhungo sezikhalazo sakwaSAPS esifundazweni KwaZulu-Natali ithi:
Ucingo: 031 325 5951/4886 A/H: 079 877 6536
I-email: kzn.complaintscen- tre@saps.gov.za
