Azobe esina ededelana amaCiko emcimbini wokubungazwa kweminyanka engu-25 kwasungulwa iphephandaba lomphakathi iKZN Namuhla. Ngokusho koMhleli wephephandaba uNksz Sheila Mhlongo uthi lomcimbi uzobe ungeSonto lona leli lomhlaka 24 Septhemba, eBat Centre, eduze nasemtateni (Durban Harbour), kusukela ngo 10 ekuseni kuze kube ihora lesithathu ntambama (15:00).
Echaza uMhleli uthi beyiphephandaba bazophinde bahloniphe amaCiko asafufusa, kanye nabakhubazekile abenza umehluko emphakathini, kanti inhloso enkulu ukunikeza amaCiko ithuba lokuthi nawo aziwe endimeni yezobumnandi aphinde athole nethuba lokuveza amakhono awo ngokuthi anandise phambi kwezihambeli zomcimbi,
AmaCiko azobe ethola ukukloniyeliswa ngeziNdondo kanye nezitifiketi, ilawo aqokwa maqede avotelwa ngohlelo lwe SMS athola amavoti amaningi kunamanye, ngaphansi kwezigaba okubalwa, iGospel, Maskandi, Afro Pop, Hip Hop, Best Radio presenter, Fashion Design, Best DJ kanye ne Disable person on the move. Kanti lomcimbi sekungowesibili njengoba waqalwa ngonyaka ophelile.
UMhleli uzophinde aklomelise nalabo abenza kahle emphakathini ngemisebenzi ehlukene konke abakwezayo bekwenza ngothando nokuzinikela. Ephetha uMhleli uthi umema bonke abathandi bobumnandi beze ngobuningi babo bezokweseka iphephandaba kanye namaCiko. Kanti kuzobe kungenwa ngo R100 General kanye no R150 VIP emnyango. Ngenxa yokubungazwa kwenyanga yamaSiko kuyavunulwa kanti kobe kushuthwa nezithombe ku Red Carpet kanye nemititilizo yezipho kwabazobe bezokweseka iphephandaba
