NKOSIE NTOMBELA
Abomnyango wezeMidlalo nokuCiko namaSiko Kwa Zulu Natali bacacise kabanzi ngezinsolo ezishiwo owayengumsakazi woKhozi FM uLinda “Mr Magic” Sibiya zokuthi lomnyango awuwunakekeli umkhakha wezobuciko esifundazweni.
ULinda Sibiya olaxaze i-ANC wajoyina i-EFF muva nje uthi uMnyango awubanaki abaculi futhi labo abalokotha bakhale bayavalwa esho kwivideo ekuzozonke inkundla zokuxhumama.
Uziphendulela uMnyango uthi uSibiya, esebenzisa inkampani i-TK Magic wathola izigidi zoxhaso kuyo. Ngaphezu kwalokho umnyango uthe ngo-2017 kwafakwa imali engu-R4 million enkampanini kaSibiya ukuze kube nohlelo lokuhlomulisa abaculi futhi inkampani yakhe “yaphambana” nezibopho zayo kodwa usazokulungisa lokho kucacisa abomnyango .
