SHEILA MHLONGO
Njengoba iNingizimu Afrika ilungiselela ukhetho lukazwelonke kanye nolwezifundazwe, abe- Independent Electoral Commission (IEC) sebekhiphe uhla lapho beshicilele khona izihlalo eziyothathwa amaqembu ezepolitiki kwiziShayamthetho ezifundazweni. Loluhlu lukhishwe ngoLwesihlanu lomhlaka 16 Febhuwari 2024.
Kulolukhetho luka 2024 izihlalo zabiwa ngokomthetho wesigaba 105 (2) we Constitution Act 108 ka 1996 ngokwesigaba 3 (1) ka Schedule 3 we Electoral Act No 73 ka 1998.
NgokweIEC ithi, izihlalo zeziShayamthetho ezifundazweni zahlulwa ngokwezibalo zabantu ezifundazweni kanye namaqembu amele lezozifundazwe.
Ngokusho kwabe –IEC bathi, isibalo sezinamba zezihlalo amaqembu ezepolitiki azoncintisana ngazo ezifundazweni zibalelwa ku 445, kodwa okuyoqinisekiswa uma sekuphothulwe okwase Western Cape :
Uhlu lwezihlalo ezweni lonke ngokwezifundazwe luhamba kanjena:
| ISIFUNDAZWE NGO 2022 | IZIBALO ZABANTU NGOKWE SENSUS | IZIHLALO EZABIWE KU 2024 |
| Gauteng | 15,1million | 80 |
| Limpopo | 6,4million | 64 |
| Mpumalanga | 5,1 million | 51 |
| North-West | 3,8 million | 38 |
| Free State | 3,0 million | 30 |
| KwaZulu-Natali | 12,4 million | 80 |
| Northern Cape | 1,4 million | 30 |
| Eastern Cape | 7,2 million | 72 |
| Western Cape | 7,4 million | Ayikahlanganiswa |
Ngokusho kwesitatimende sabe IEC sithi, uMengameli wezwe uMnu Cyril Ramaphosa, kulindeleke ukuthi amemezele maduze usuku lokuvota.
SANews.org.za
