Asezodlondlobala kakhulu amabhizini abahwebi abawu-47 abadayisa inyama yenhloko, ngemuva kokuvulwa ngokusemthethweni kwesikhungo esisanda kwakhiwa esibizwa ngeNhloko Meat Sellers esizinze eSiteshini Sesitimela KwaMashu.
Lesi sikhungo esivulwe ngoLwesibili lomhlaka, 22 Febhuwari .
Lesikhungo sinezindawo zokudayisa inyama eziwu-47 nekhishi, indawo yokulungiselela, i-generator, amagumbi amabili amakhulu aneziqandisi zokugcina inyama namathangi amanzi. Lesi sikhungo siphinde sihlinzeke ngezindlu zangasese nezinsiza zokuhlanza.
Kanti lesikhungo sivulwe ngokusemthethweni wuNgqongqoshe wezokuThuthukiswa kwamaBhizinisi amaNcane, uStella Ndabeni-Abrahams, othe lesi sikhungo sihlose ukuhlinzeka abahwebi ngezinsiza ezifanele ukuze baqhube amabhizinisi abo.
UNgqongqoshe uNdabeni-Abrahams ubehambisana nePhini likaSihlalo weKomidi leziNsiza zoMphakathi, uKhansela Vusi Mngadi noKhansela Cedric Ntshangase.
