SBU MAMBA
Ezibuhlungu azipheli ziyaqaqamba izinhliziyo zabalandeli bamakhosi i Kaizer Chiefs abawashiswe ijezi yi Milford FC edlala esigabeni esiphansi iMotsepe Foundation emdlalweni wabo womkhumula jezi weNedbank last 32 obuse FNB Stadium eGoli
Abafana bokuthula noxolo abaqali ukukhishwa kabuhlungu amavukane kulomqhudelwano , ngo 2011 yakhishwa i Baroka F C , ngo 2019 yakhishwa i TS Galaxy kuma Final ayo iNebank , ngo 2021 ikhishwe yi Richards Bay kanti zolokhu yakhishwa iMilford FC yalapha KwaZulu Natal edlala esigabeni esiphansi
Amaqembu amaningi adlala ku DSTV Premiership angenile ku last 16 lapho singabala iMamelodi Sundowns, Orlando Pirates , Moroka Swallows , Supersport United , Amazulu FC , Sekhukhune United , namanye yi Kaizer Chiefs nje kuphela ephume eceleni njengojosaka . Abalandeli badinwe bagana unwabu ngalomphumela , iKaizer Chiefs ibiwuphethe umdlalo esiwombeni sokuqala nesesibili , akukho okutheni okwenziwe yi Milford kulomdlalo into abayenze kahle nje ukuqinisa udonga lwasemuva bevimba kwasani , yi Chiefs ethole amathuba amaningi yadlala ngawo oDupreez , Castillo , Shabalala no Saile yibona abadlale ngamathuba i Chiefs ibifanele umdlalo iwunqobe ngesiwombe sokuqala , ize yathola nephenathi ngesiwombe sesibili wayivimba u Nozinti uSiphamandla Hleza . Umdlalo uphele ngo 5-4 kuwina iMilford Fc ishaya iChiefs sekukhahlelwa amaphenathi
Kubukeka sengathi Amakhosi azophinde aqede lesizini encela izithupha njengoba naku Ligi kumbulwa kuyembeswa mancane amathuba okuthi ingasithatha lesicoco , iChiefs yagcina ukuwina indebe yangempela kuseno mqeqeshi wase Ngilandi u Stuart Baxter.
