SBU MAMBA
EzikaMagebhula ezaGebhula umhlaba ka Maspala i-Orlando Pirates zibhaxabule i Mamelodi Sundowns ngo 2-1 eMbombela Stadium zakhala zemuka nesicoco seNedbank Cup emdlalweni wama Finals obuse Mbombela Stadium ngoMgqibelo, amagoli ePirates ashaywe uPatric Maswanganyi noRelebogile Mofokeng kanti lokubika leMamelodi Sundowns lishaywe uThemba Zwane.
ISundowns ize kulomdlalo inethemba lokuthi izozigwazela ibhece ku Orlando Pirates kanti ayibuzanga elangeni yahlangana nezimbila zithutha ziholwa emhlomphe phambili iPirates yashaya phansi ngonyawo yathi lutho eLuthela.
Isiwombe sokuqala besiphethwe Amasandawana kubhoke kakhulu umgadli wase Brazil uLucas Ribiero no Themba Zwane , kuthe kungapheli ngisho imizuzu eyishumi isitobha sePirates sadlalisa kabi uKhuliso Mudau wayikhomba emlotheni unompempe uSikhumbuzo Gasa , Iphenathi ikhahlelwe Lucas Ribiero Costa wayivimba unozinti we Pirates uSipho Chaine bajabula abalandeli baMabhakabha. Emuva kwalephenathi yeSundowns iPirates ivuke emaqandeni yaqala yahlasela ithole amathuba amahle okushaya igoli kodwa unozinti weSundowns ophinde agijime ku Bafana Bafana wayitakula iSundowns.
Kushintshile ukudla epletini esiwombeni sesibili , Amasandawana awenyuse kakhulu amasokisi kuthe ngomzuzu ka 53 wayibhakuzisa inethi umgadli we Sundowns uThemba Zwane , iqhubekile yawuphatha umdlalo iSundowns ihlasela mawala ifuna igoli lesibili kanti izidonsela amanzi ngomsele yaphunyukwa yibhola esiswini wayithatha uMaswanganyi wangena ebhokisini ngokushesha yamdlalisa kabi Sundowns wayikhomba emlotheni uGasa iphenathi yePirates . UMaswaganyi wayithatha wayibeka enethini kwaba yigoli elilodwa ngapha negoli elilodwa ngale kodwa iqhawe kube umgadli wePirates osemcane uRelebogile Mofokeng (19) ongene esiwombeni sesibili kwathi ngomzuzu ka 90 wavalela enethini igoli lePirates lokuwina yaduma iMbombela Stadium bajabule baze bangena enkundleni abadlali nebhentshi lePirates akuphelanga ngisho imizuzu emihlanu wayishaya kanye , wayishaya kabili wayishiya kathathu wawuqeda umdlalo uNompempe uSikhumbuzo Gasa , ajabula ashaya ingoma Amabhakabhaka. Umqeqeshi wePirates uJoze Riviero ubonge uSihlalo weqembu lePirates nePSl uMnu Irvin Khoza ngokumethemba ngomsebenzi wokuqeqesha Ezimnyama wabese ebonga abalandeli ngesaphothi kanti Umqeqeshi weSundowns uRulani Mokwena obedabukisa ekhuluma nezintatheli ukhulume amagama amabili amathathu wayesebongela iPirates ngokuwina lendebe ye Nedbank
