WONDER NGCOBO
Njengoba iqembu lizibophezele kuHulumeni osebenzayo nonobulungiswa kwezomnotho, i-IFP ayihambisani nokukhushulwa kwentela lesinqumo siphikiswe ePhalamende mhlaka-19 Febhuwari. Sikholwa ukuthi ukwenyusa intela kukhahlameza izakhamizi ezingathathi-ntweni kumbe ezidonsa kanzima, ngenxa yokunyuka kwezidingo nezinto ezibalulekile.
Ukwenyuka kwentela kuzophinde kunciphise amathuba okuzibophezela kuHulumeni weGorvenment of National Unity (GNU) ukuba unciphise izidingo zempilo ugqugquzele ukukhululeka kwezomnotho. Ngalenkathi abantu abaningi eNingizimu Africa bedonsa kanzima ngenxa yokubiza kokudla, Amafutha nezinto eziyizidingo, ukwengeza umthwalo wentela kuzovimbela imizamo yokuthuthukisa ezomnotho.
I-IFP ibona kungcono ukuthi uMgcinimafa kazwelonke aqhamuke nendlela ecacile nenobuhlakani yokubuyekeza i-budget. Lokhu kungahlanganisa imizamo yokwehliswa kwentengo, kuncishiswe nezindleko ezingenasidingo, kuqikelelwe ekuhanjisweni kwezidingo zomphakathi kuqala. Kuyothi ngomhlaka-12 kuMashi 2025 kwethulwe isabelo-mali esibeka phambili ukukhululeka kwezomnotho, ukusinyaniswa kwezomnotho ukudala amathuba emisebenzi ngenkathi kuvikelwa ababuthaka emphakathini.
Ukuhlehliswa kwenkulumo yesabelo-mali kuwumzekelo ocace bha ukuthi uHulumeni we-GNU awuzile nje ukuzohlaba udlule njengenaliti kodwa ungu Hulumeni wokuzibophezela nobhekana ngqo nezinselelo ubonisa ukuzibophezela ekuqinisekiseni ukuthi izinqumo ezinqala zithathwa ngokukhulu ukuqikelela nobunyoninco kunokujaha ngaphandle kokuhlolisisa.
I-IFP isamile ekushushiseni ukuba isabelo-mali sisingathwe ngendlela eqhakambisa ukulingana Sibe ngesanelelisayo bese kuqikelelwe ekusingathweni kwezezimali. Sizoqhubeka nokusebezisana kabanzi noHulumeni we-GNU ukubamba umgqigqo wokusebenza ngeqiniso nokubeka izakhamizi zaseNingizimu Africa phambili kwezomnotho kuphetha okhulumela i-FP kuzwelonke uMkhuleko Hlengwa MP.
