SHEILA MHLONGO
I-Road Accident Fund (RAF) iqinisa intsha ngamathuba okuqhakambisa nokukhuthaza ukuphepha emgwaqeni. Ibalelwa ku-173 intsha engasafundi kanye nengasebenzi eLimpopo, eGauteng, KwaZulu-Natal, naseMpumalanga Kapa eqeqeshwe ngaphansi kwe-RAF Comprehensive Road Safety Programme. Lentsha isiza abafundi ezikoleni ngalemisebenzi ebalulekile:
- Babasiza ukuwela imigwaqo ekuseni nangesikhathi sokubuyela emakhaya.
- Bafafaza izilwane ezifuywayo (izinkomo, izimbongolo namahhashi) ngephepha elicwebezelayo ukuze zibonakale ebusuku.
- Bagunda utshani obukhula eduze kwemigwaqo ukuze kuhlale kuphephile ukuhamba.
- Bafundisa abafundi ngezokuphepha ezindleleni ukuze banciphise izingozi futhi basindise izimpilo zomphakathi.
Ukusungulwa Kwephrojekthi
Lolu hlelo luqalwe ngo-Agasti 2023, luhlose ukusiza imiphakathi eseduze nemigwaqo enezingozi eziningi ukuze kwehliswe izingozi futhi kuthuthukiswe indlela ephephile yokusebenzisa imigwaqo. Uhlelo lubandakanya imiqhudelwano yezikole, imidlalo yaseshashalazini yezimboni, ezokuzijabulisa ezinolwazi, kanye nezingxoxo zentsha ezihlose ukukhulisa ulwazi lokuphepha ezindleleni.
Imiphumela Kubafundi Bezikole
Abafundi abaphumelele emiqhudelwaneni yezikole bathole imiklomelo ehlangene nezidingo zesikole ngasinye sibala:
- Amakhompyutha aphathwayo egumbini lamakhompyutha.
- Umdwebo wesikole (ukupenda).
- Izindlu zangasese zabafundi.
- I-inverter, iphrinta, izipikha nemakrofoni.
- Izincwadi zokufunda.
Izindawo Zokuqhuba Uhlelo
Abantu basebenzisa imigwaqo bangabheka lentsha kulezi zindawo:
- ELimpopo: eNyavani, eThohoyandou, eLebowakgomo.
- EGauteng: eSoweto nas’eSoshanguve.
- EKwaZulu-Natal: e-Umlazi naKwaDukuza.
- EMpumalanga Kapa: eMamfeneni, eColosa naseMthatha.
Kulezi zindawo abafundi abantu abadala nabantu abanezidingo ezikhethekile bayasizwa uma bewela imigwaqo. Kanti izilwane ezifuywayo ezifana nezinkomo, izimbongolo namahhashi ziyafafazwa ngephepha elicwebezelayo ukuze zibonakale ebusuku. Utshani obuvimba imigwaqo buyagundwa ukuze kuqinisekiswe ukuphepha kwabantu abahamba ngezinyawo.
Intsha ebambe iqhaza iphinde ibhaliswe ohlelweni lwe-Youth Driver Development Programme, lapho behlinzekwa ngokuqeqeshwa kwamahhala usizo lokuthola ilayisensi yokushayela kanye ne-Professional Driving Permit (PDP).
Imibono yabaholi Be-RAF
“Siyaziqhenya ngokwakha isizukulwane esisha samanxusa okuphepha ezindleleni.” kusho uMphathi omkhulu we-RAF uCollins Letsoalo. “Lolu hlelo lubonisa amandla okubambisana nokuzinikela ekuthuthukiseni ukuphepha ezindleleni. Siyajabula ngezincomo esizithola emphakathini nakubazali abakholelwa ukuthi izingane zabo sezisendaweni ephephile kanye nokunye ukuphawula okuhle.”
Ubambiswano Nokusimama Kohlelo
Uhlelo lwe-Comprehensive Road Safety Programme lwenziwa ngokubambisana ne-Safer South Africa Foundation. Isigaba sokuqala sale phrojekthi yentsha qhubeke kwaze kwaba ukuphela kuka-Julayi 2024. Ngemuva kwalokho, i-RAF izohlola umthelela wohlelo kulezi zindawo ezinokushayisana kwezimoto okuningi.
Ngolwazi oluningi
Uma wena noma ilungu lomndeni wakho lithinteka engozini yemoto, xhumana ne-RAF Contact Centre ku-087 820 1 111 kusukela ngoMsombuluko kuya kuLwesihlanu, phakathi kuka-07h45 no-16h00.
Ungathumela umyalezo ku-WhatsApp ku-071 605 4707, nge-SMS ku-44930, noma nge-imeyili ku-contactcentre@raf.co.za.
Ungathola ulwazi olwengeziwe ku-www.selfservice.raf.co.za noma uvakashele amanye amahhovisi e-RAF ezweni lonke, imininingwane yawo etholakala ku-www.raf.co.za.Kukhishwe yi-Road Accident Fund
