THOBILE MBATHA
Ayimihle imiphumela endalwa i-Hyacinth emanzi eNanda Dam. Ihyacinth yehlisa izinga lamanzi njengoba idla amanzi amaningi kanti ibeke engcupheni impilo yezilwane zasemanzini. Amalungu omphakathi eNanda Dam bacele uMngeni water kanye noMnyangowamaHlathi, iFisheries and Environment (DFFE) ukuthi alungise lenkinga ababhekene nayo.
Ngokusho kwesitatimende esithunyelwe abezindaba sithe, loluda beluthinta abaningi ikakhulukazi abathanda imidlalo yasemanzini, amakhosi kanye nomphakathi wonkana ngenxa yokwanda kokufa kwemfuyo nezingadi namasimu
UMphathi weMsinsi Holdings ebhekelele izinsizazamanzi ezizungeze amadamu aphethwe uMngeni Water uNksz. Mbali Ndlovu uthe ukususwa kweBoomgate ebhulohweni lesine kungaba ngenye yezimbangela zokuhlasela kwe Hyacinth emanzini. Uphinde waveza ukuthi umhlangano ebebewubambile ekuqaleni kukaNovemba unikeze abathintekayo ithuba lokulungisa loludaba nokudingida izisombululo ezingasetshenziswa ukulwa nalenkinga.
UMnu. Ken Ground ongusihlalo we Major Bass evamise ukubamba imiqhudelwano yokudoba edamini uthe bathathe isinqumo sokuthi bangabe besafika edamini kuzekuxazululwe udaba lwe Hyacinth. Uthe akaqondi ukuthi kungani ingaxazululekanga lento ebusika ngoba yiso isikhathi esihle sokuxazulula lenkinga. Uthe, kudingeke ukuthi basule izinhlelo zabo zenyanga ngenxa yehyacinth yamanzi
“Phambilini bekukhona ibhanoyi elinophephela emhlane elifutha endaweni kabili ngonyaka. Ngeke sithembele ekulawuleni izinto, kudingeka izixazululo ezahlukahlukene kodwa okukhathaza kakhulu ukuthi izinga lamanzi lizowohloka ngokufuthwa kwamakhemikhali ngenxa ye-hyacinth yamanzi edamini.
