UNgqongqoshe wezeMidlalo, ezobuCiko namaSiko uMhlonishwa uMntomuhle Khawula wamukele ngenjabulo enkulu ukumenyezelwa kweNkundla yezemidlalo yase-Curries Fountain eThekwini njengendawo yamagugu
NOMTHANDAZO MAGOSO
EThekwini mhlaka,9 September 2026,UNgqongqoshe wezeMidlalo, ezobuCiko namaSiko uMhlonishwa uMntomuhle Khawula wamukele ngenjabulo enkulu ukumenyezelwa kweNkundla yezemidlalo yase-Curries Fountain eThekwini njengendawo yamagugu esifundazweni ngokomthetho we-KwaZulu-Natal kanye ne-Amafa and Research Institute.
Lokhu kumenyezelwe yi-Amafa and Research Institute ukuqinisekisa ngokusemthethweni ukuthi i-Curries Fountain iyindawo enokubaluleka okukhethekile kwezomlando, amasiko kanye nenhlalo kubantu ba-KwaZulu-Natal nakubant bonke ebaseNingizimu Afrika.
Lenkundla, eyayiqanjwe ngomthombo wamanzi wokuqala othembekile eThekwini owawusungulwe kule ndawo ngo-1878, yabe isimenyezelwa ngokusemthethweni njengenkundla yezemidlalo ngo-1924. Yaba yinkundla ebalulekile yezemidlalo eyahlukene, imicimbi yomphakathi, ezokungcebeleka kanye nomzabalazo wabasebenzi, yaba nendima enkulu emzabalazweni wemidlalo engacwasi ngobuhlanga.
Le ndawo iphinde yasebenza njengesikhungo sokulwa nobandlululo, manje isimi njengophawu lokucabanga olubonisa amagugu acebile esifundazweni. Yaba yindawo ebhala umlando wezemidlalo phakathi kwemiphakathi eyake yacwaswa ngobuhlanga, ikhombisa ukuthi leyo miphakathi yasebenzisa kanjani ezemidlalo ukwakha ubuzwe, umphakathi nokuqina.
UNgqongqoshe uKhawula, ngokubambisana ne-KwaZulu-Natal Amafa, udlulise ukubonga kubo bonke ababambiqhaza, ochwepheshe bamagugu, izinhlangano zezemidlalo kanye nomphakathi ababe nendima ekutholeni nasekubhaleni ukubaluleka kwalo mgede.
“Isizinda sase-Curries Fountain singaphezu kwenkundla nje, siyinqolobane ephilayo yohambo lwaKwaZulu-Natal oluya esifundazweni esingenabandlululo, esinentando yeningi nesiqine ngokubumbana. Namuhla siseyindawo yokuhlangana kwamasiko ahlukene emicimbini yokuzijabulisa, izinhlelo zomphakathi kanye nemigubho yamagugu,” kusho uMEC uKhawula.
