URodgers uchaze ukuthi i-CSD isixhunywe ezinhlelweni zoMnyango wezaseKhaya (Home Affairs) kanye ne-South African Revenue Service (SARS), ukuze kube lula ukuqinisekisa imininingwane yezinkampani nokuthi ziyahambisana yini nemithetho.
SHEILA MHLONGO
UMnyango wezeziMali KwaZulu-Natal (KZN Provincial Treasury) ukhuthaza osomabhizinisi nabahlinzeki bezimpahla nezinsiza kuhulumeni ukuba babhalise futhi baqinisekise ukuthi imininingwane yabo iku-Central Supplier Database (CSD) ilungile.
Lokhu kugqame emhlanganweni wokuqwashisa nge-CSD obubanjelwe eMgungundlovu (Pietermaritzburg) mhla ziyi-19 Okthoba 2026, lapho uMEC wezeziMali KwaZulu-Natal, uFrancois Rodgers, ekhulume khona nabahlinzeki bezinsiza zikahulumeni.
URodgers uchaze ukuthi i-CSD isixhunywe ezinhlelweni zoMnyango wezaseKhaya (Home Affairs) kanye ne-South African Revenue Service (SARS), ukuze kube lula ukuqinisekisa imininingwane yezinkampani nokuthi ziyahambisana yini nemithetho.
Uthe ukuthuthukiswa kwalolu hlelo kuhloswe ngakho ukunciphisa umsebenzi wamaphepha, ukusheshisa ukuqinisekiswa kwemininingwane nokwenza amathuba okuhlinzeka uhulumeni ngezinsiza afinyeleleke kalula.
Lolu hlelo lubalulekile ikakhulukazi emabhizinisini amancane (SMMEs), aphethwe ngabesifazane, yintsha kanye nosomabhizinisi ababencishwe amathuba phambilini.
Iyini i-CSD futhi ubhalisa kanjani?
I-CSD iwuhlelo lukahulumeni olugcina imininingwane yabantu nezinkampani ezifuna ukuhlinzeka iminyango kahulumeni, omasipala nezinye izinhlaka zikahulumeni ngezimpahla noma ngezinsiza.
Osomabhizinisi bangabhalisa ku:
Ukuze ubhalise, kudingeka imininingwane efana nekheli le-email, inombolo kamakhalekhukhwini, imininingwane yebhizinisi, imininingwane yasebhange kanye nezinhlobo zezimpahla noma izinsiza ozihlinzekayo.
Qaphela: Ukubhalisa ku-CSD akusho ukuthi ibhizinisi selithole ithenda. Kusadingeka lilandele imigomo yezicelo zamathenda noma izilinganiso zamanani (quotations) ezikhishwa uhulumeni.
Ungalutholaphi usizo KwaZulu-Natal?
Abahlinzeki bezinsiza abanezinkinga ngemininingwane yabo ye-CSD bangaxhumana noMnyango wezeziMali KwaZulu-Natal:
Ucingo: 0800 20 1049
I-email: database@kzntreasury.gov.za
Osomabhizinisi bayakhuthazwa ukuba babuyekeze imininingwane yabo njalo, ikakhulukazi imininingwane yasebhange, eye-SARS, amakheli nezinsiza abazihlinzekayo.
KZN NAMUHLA COMMUNITY NEWSPAPER
Umthombo: KZN Provincial Treasury, 19 Okthoba 2026; National Treasury.
