Inhlangano iSouth African Local Government (SALGA) eyengamele izindaba zoMasipala kuleli isikhihe isitatimende esibhekise koMasipala abathole umbiko wezimali ongemuhle ukuthi ulungise izindaba zabo.
Lenhlangano ithi oMasipala kumele balungise uhlelo noma indlela abengamela ngayo izindaba zokwengamela ezezimali. Kanti embikweni ka Auditor General wonyaka wezimali ka 2021/2022 uveza ukuthi babalelwa ku 142 omasipala abathole umbiko ongenawo ugcobho lokhu okwenza amaphesenti angu 55.
Bonke labomasipala abathole umbiko ongenawo ugcobho benza amaphesenti angu 55 kanti bebephathiswe isabelomali sika R351 billion noma amaphesenti angu 66 esabelomali somasipala bonke bephelele.Omasipala sebebonke baphathiswe isabelomali sika R530 billion
I-SALGA ibe isinxusa ukuthi omasipala ababalelwa kumaphesenti angu 45 abathole umbiko onogcobho kuzomele bakhuphule amasokisi benze kangcono indlela abengamela ngayo izimali, ukuze nabo bafane nalabo abathole umbiko omuhle.
I-SALGA inxusa oMasipala abathole umbiko ongemuhle ukuthi balungise izindaba zabo zezimali
