SHEILA MHLONGO
Ibalelwa ku 360 imindeni ehlomule ngezindlu zomxhaso kahulumeni
ku ward 90 ngaphansi kukamasipala weTheku.UNgqongqoshe
wezokuHlaliswa Kwabantu kuzwe lonke uNkk Mammoloko Kubayi,
nePhini lakhe uPam Tshwete, ubehambisana noNdunankulu
waKwaZulu-Natali uNkk Nomusa Dube-Ncube,uNgqongqoshe
wezokuHlaliswa Kwabantu nemisebenzi kaHulumeni uMnu Sipho
Nkosi,Kanye neMeya yeTheku ukhanselala Mxolisi Kaunda.
Lemindeni ehlomule ngezindlu ileyo ekade igobe amadlangala
okwesikhashana Esiphingo Transitional Emergency Accommodation
kusukela ngonyaka ka 2010. Kanti yemukele okhiye bezindlu zayo
ezingaphansi kohlelo lwaku Kanku Road Housing Project Esiphingo.
Kusukela enyangeni kaMashi kulonyaka, uMasipala weTheku
usenikezele ngezindlu emindenini ebalelwa ku 300 kwengu 700,
njengoba noNgqongqoshe uKubayi efeze isethembiso asenza sokuthi
uyophinde abuye futhi.
Ibalelwa ku 360 imindeni ehlomule ngezindlu ku ward 90 ngaphansi kukamasipala weTheku
