Lomsakazo usungulwe uNkk. Thandeka Madlala Khathi ngenxa yokubona ukwentuleka kwabesimame nentsha yasemphakathini kwimikhakha yezamabhizinisi.Wabona kuyisu elihle ukuvula umsakazo lapho ezobiza khona abesimame nentsha abazokhangisa amabhizinisi abo aphinde afundise nalabo abanentshisekelo yokuqala amabhizinisi.
Owasungula inkampani iBOTHODIGITAL AGENCY (PTY) LTD ngo-2020 i-ejensi egxile ekwenziweni komkhiqizo nokuthuthukiswa kwemikhiqizo yamabhizinisi amancane ngamasu okuwasiza aphumelele uMnu. Nhlakanipho Tsele, usebenzela ekhaya kusukela baphazanyiswa ubhubhane i-Covid-19 kepha uyethembisa ukuthi bazobuyela ehhovisi ngonyaka ozayo.
ABAKWA-ENGEN Community Computer School basiza ngamakhono ezeComputer ukuze intsha ithole amathuba angcono okuqashwa, isihlanganise abafundi abawu-70 bonke abahlali base-South Durban baneziqu zabo eziyisisekelo ezikhulisa amathuba abo okuthola imisebenzi.
UMNOTHO wasemalokishini aseNingizimu Afrika ilinganiselwa kuR100 billion imali ongase uyifake emkhiqizweni wezwe. Njengengxenye yokuzibophezela kwe-Nedbank ekwesekeni ukukhula okuqhubekayo kwalo mkhakha wezomnotho obalulekile ibhange lizosebenza ngokuhlanganyela neTownship Entrepreneurship Alliance (TEA) ukusiza ukukhuthaza ukuthuthukiswa kosomabhizinisi emalokishini.
UKUPHELA KWAMATHUBA EMSEBENZI KUBANTU ABANINGI KULELI NGENXA YECOVID-19 KUDALE UNKK ZANELE KHALOLI AFIKELWE UMCABANGO WOKUTHI ASUNGULE INHLANGANO AZOYISEBENZISA UKUSIZA ABANTU ABANGAKWAZI UKUQASHWA IKAKHULUKAZI INTSHA KANYE NABESIFAZANE OKUYIBO ABACINDEZELWA KAKHULU UBUPHOFU.
