UShoprite Group, uhlomulisa abalimi abancane.Lokhu ukwenza, ngenxa yesivumelwano
sokusebenzisana nenkampani ebizwa nge Agrikool esiza abalimi baKwaZulu-Natal
ukubaxhumanisa nabanikazi bezitolo ezinkulu ngokuthenga kubo izitshalo abazilima
emapulazini abo.
IAgrikool izinze ePietermaritzburg, Isungulwe ngumlimi nonjiniyela wezolimo uZamokuhle
Thwala ngo-2018, ongumnikazi webhizinisi nososayensi wezolimo uPalesa Motaung, i-
AgriKool, ihweba njengeGro-Agro (Pty) Ltd, njengamanje isebenza namapulazi angaphezu
kuka-22 eMidlands KwaZulu-Natal nasezindaweni ezingaphandle. Kanit isidale amathuba
omsebenzi amaningi yaphinde yakhuphula nezinga endimeni yezolimo.
UShoprite Group wenze izivumelwano sokusebenzisana nabe Agrikool ngoDisemba 2021,
wafaka I order yokuqala. Lokhu okuphinde kwavula amanye amathuba okuphakela ezinye
izitolo esifundazweni ngezitshalo ezivela kubalimi.
“Lesi sivumelwano sisize ibhizinisi lethu ukuba lizuze ukukhula okumangalisayo ngesikhathi
esifushane kangaka,” kuqhuba uMotaung. Basifundise okuningi ngokudayisa nendlela
yokuphatha umkhiqizo wethu kusukela epulazini kuya eshalofini.”Kusho uMotaung.
IShoprite Group yona yethule iShoprite Group ngenhloso yokusiza abalimi abancane ukuze
nabo bakwazi ukuhlweba ngempumelelo.
“Sethule iShoprite Next Capital ngonyaka odlule ngenhloso yokusiza abathengisi abancane
ngezindlela zokusebenza kwemali kanye nokuqeqeshwa ukuqinisekisa ukuthi amabhizinisi
abo aphila ngokuhweba futhi azinzile kulesi simo esinzima somnotho.” Kuchaza uMaude
Modise oyisikhulu sakwaShoprite Group
