Ibe impumelelo imidlalo yeMangosuthu Legacy Cup, ebidlalela Olundi ngoMgqibelo womhlaka 29 Julayi. Lapho bekuqhudelana khona amaqembu ebhola lezinyawo;
AmaZulu FC, Richards Bay FC, Mbabane Swallows, kanye neRoyal AM FC, okuyiyo ekhale yemuka neNdebe ye 2023 Prince Mangosuthu Legacy Cup Champions, ngenxa yokwehlula izimbangi zayo AmaZulu FC.
Kulemidlalo bekubuthene izinkumbi zabantu zizobukela idili lebhola lezinyawo, okuyingxenye yokuhlonipha Inkosi Prince Mangosuthu Buthelezi ophinde abe umholi nomsunguli weqembu Inkatha Freedom Party (IFP). Kanti lemidlalo ibithanyelwe ngisho abaholi abaphezulu kwezenkolo.
IMeya yaseZululand District, uMfundisi Thulasizwe Buthelezi ihalalisele iRoyal AM ngokunqoba kulomdlalo waphinda wabonga bonke abebethamele umcimbi waminyaka yonke.
