SHEILA MHLONGO
UNgqongqoshe wezeMfundo Ephakeme kuzwelonke usenxuse abomthetho ukuthi baphuthume bathathe izinyathelo ezizokwenza ukuthi kuboshwe izigilamkhuba ezishise ibhilidi lokubhala izivivinyo eNyuvesi yaKwaZulu-Natali (UKZN) ekhampasini yaseMgungundlovu.
Ngokombiko othunyelwe kwabezindaba uthi lesisehlo sokushiswa kwebhilidi sihambisana nemibhikisho yezitshudeni eqhubeka kuyona inyuvesi, kanti uNzimande uzwakalise ukuthi lokhu kuwubugebengu okumele abenzi bakho bathathelwe izinyathelo zomthetho. Wathi nokho uyajabula ukuthi livuliwe icala lokudala udlame emphakathini,nokuthi inyuvesi ibambisene nabomthetho ukuqinisekisa ukuboshwa kwabashise ibhilidi.
UNzimande ube esenxusa isigungu esimele izitshudeni enyuvesi ukuthi sisebenze ngokubambisana nabaphathi kanye nabomthetho ukuze kutholakale labo abashise ibhilidi ngoba lokhu kuyisenzo sokuzama ukubambezela abafundi ukuthi baqhubeke nemfundo yabo.– SAnews.gov.za
