SBU MAMBA
Zithuse abaningi izindaba zokudayiswa kweqembu elikhulu ku Premier Soccer League ( PSL ) iSupersport United , kuphelile nge Supersport United ku Betway Premiership bekuyi season yabo yokugcina lena ka 2025/2026 . iSupersport United Amatsantsatsa Apitoli athengwe yiqembu lasesifundazweni sase Freestate iSiwelele FC ngo R50 Million wamarandi. ISiwelele FC sizothatha indawo yeSupersport ku PSL ngesizini ezayo ku Betway Premiership 2026/2027.
I-Supersport United Amantsantsatsa azakhela udumo asaqeqeshwa inkuzi emidwayidwa uPitso Mosimane linqoba izindebe okuhlanganisa nezicoco ezintathu zeligi zilandelana phakathi kuka 2008 no 2010. Leliqembu laseTshwane belidume ngokukhiqiza abadlali abasezingeni eliphezulu , iningi lalabadlali bagcine bezitholelele amadlelo aluhlaza emaqenjini amakhulu aseGoli ikakhulukazi aMasandawana iMamelodi Sundowns , izinkunzi oDaine Klate , unozinti uRonwen Williams , Hlompo Kekane , Tebogo Mokoena , Sipho Mbule , Aubrey Modiba , Thapelo Maseko , Katlego Mphela ,Ricardo Goss ,
Thabang Sibanyoni abanye basagijima ngisho eqenjini lesizwe iBafana Bafana .
I-Supersport yasungulwa ngomnyaka ka 1994 kanti ibisinqobe inqwaba yezicoco , ngomnyaka ka 1995 yadla isicoco se-Sparletta Cup, 1998/ 1999 yanqoba iBob Save Super Bow, 2001/2000 iPeople Bank Challenge, 2004 , 2005 Season yanqoba i-Absa Premiership , SAA Supa 8 Cup , ngesizini ka 2005/06 yaqeda endaweni yesibili ku SAA Supa 8 Cup , 2007/2008 yawina isicoco se ABSA Premiership , ngesizini ka 2009 /2010 yathatha i-Absa Premiership , ngesizini ka 2011/2012 Nedbank Cup , ngesizini ka 2014/2015 yawina iTelkom Knockout , ngesizini ka 2015/2016 yanqoba i-Nedbank Cup , ngesizini ka 2016/2017 yanqoba i-MTN Cup yaphinda futhi nangesizini ka 2019 /2020 (MTN TOP 8)
