IKhomishana Yokhetho yaseNingizimu Afrika (IEC) inxuse abantu abafanelekile ukuvota ukuba babhalisele ukuvota noma babuyekeze imininingwane yabo yokubhalisa nge-inthanethi. Iphinde yakhumbuza umphakathi ukuthi i-Online Voter Registration Portal yayo iyatholakala mahhala, ngaphandle kokusebenzisa idatha, kumanethiwekhi amakhulu omakhalekhukhwini.
Ukungadli idatha kusho ukuthi abantu bangangena kule ngosi yokubhalisa ngaphandle kokukhokhela idatha yeselula. Lokhu kwenza bakwazi ukubhalisela ukuvota noma ukubuyekeza imininingwane yabo yokubhalisa ngisho noma bengenayo idatha.
Nokho, i-IEC ikhumbuze abasebenzisi ukuthi kufanele bavule i-mobile data komakhalekhukhwini babo ukuze bakwazi ukuxhuma kule ngosi.
Nakuba kungadingeki ukuba umuntu abe ne-airtime noma idatha ukuze asebenzise le nkonzo, kufanele abe nokuxhumana kwenethiwekhi yeselula okuvuliwe.
IKhomishana ikhuthaze abavoti ukuba bangalindi kuze kube umzuzu wokugcina ukuze bahlole imininingwane yabo yokubhalisa. Kufanele baqinisekise ukuthi yonke imininingwane yabo isesikhathini futhi inembile ngaphambi koKhetho Lohulumeni Basekhaya lwango-2026.
Abavoti bangangena kwi-Online Voter Registration Portal kuleli kheli: registertovote.elections.org.za.
I-IEC iphinde ikhuthaze izakhamuzi ukuba zibambe iqhaza ohlelweni lokhetho ngaphansi komyalezo othi:
“Ivoti lakho liyizwi lakho. Shiya uphawu lwakho.”
– SAnews.gov.za
Top of Form
Bottom of Form
