Abaqokelweukungenela izikhundla zobukhansela
I-ActionSA KwaZulu-Natal namuhla yethule ngempumelelo ozoyimela okhethweni lobukhansela kuMasipala waseThekwini. Lokhu kuyingxenye yemizamo yaleli qembu yokuqhubeka nokuqinisa ubukhona balo emiphakathini nokwakha umbutho wezepolitiki obeka izidingo zabantu phambili.
Kulolu hlelo, i-ActionSA iphinde yamukela amalungu amasha nabaholi abaqhamuka emaqenjini ezepolitiki ahlukahlukene, abakhethe ukujoyina leli qembu nokufaka isandla ekwakheni enye indlela entsha kwezepolitiki ezosiza abantu baseThekwini.
Phakathi kwalabo abamukelwe ku-ActionSA kubalwa:
- UJay Singh – oyikhansela le-United Independent Movement (UIM).
- UThabisile Gloria Zungu – oyikhansela le-ANC.
- UTula Movie – umholi we-MK Party (MKP) eNtuzuma.
- UNkosingiphile Godlwana – owayeyikhansela le-EFF.
I-ActionSA ithi isinqumo salaba baholi sokujoyina leli qembu sikhombisa ukukhula komfutho wokweseka umbutho wezepolitiki ozibophezele ekubekeni imiphakathi phambili nasekwakheni uhulumeni osebenzela abantu.
Izithombe namavidiyo ohlelo lwanamuhla kunamathiselwe ukuze kuthole nalabo abangakwazanga ukuhambela lo mcimbi.
