SHEILA MHLONGO
Njengoba kugujwa iminyaka engu-9 yalomcimbi ngeSonto, mhla ziyi-12 kuJulayi 2026, ukungenela umjaho odumile i-Absa RUN YOUR CITY DURBAN 10K kuzovulwa ngoLwesine, mhla ziyi-19 kuNdasa 2026, kumenywa abagijimi ukuba bazobona imigwaqo emihle yaseThekwini komunye wemijaho emikhulu yamadolobha ezweni.
I-Absa RUN YOUR CITY DURBAN 10K iyingxenye ebalulekile ye-Absa RUN YOUR CITY Series eyenzeka ezweni lonke, ehlanganisa abagijimi abavela kuzo zonke izifundazwe ukuthi bancintisane emigwaqweni yamadolobha ahlukahlukene. Lolu chungechunge luqala eGqeberha, luqhubekele eKapa, eThekwini naseTshwane, bese luphetha eGoli. Njengomunye wemijaho ebalulekile ohlelweni lonyaka, umjaho waseThekwini unikeza abagijimi ithuba lokuzizama, ukuzijabulisa nokuzwa umdlandla nokujabula okuhlale kuhambisana nale micimbi.
UMichael Meyer, uMqondisi Omkhulu we-Stillwater Sports futhi ongumsunguli wale Series, uthe:
“Sijabule ukumemezela ukuvulwa kokungenela umjaho we-9 waminyaka yonke i-Absa RUN YOUR CITY DURBAN 10K. Eminyakeni edlule, iTheku seliphenduke omunye wemijaho evelele kulolu chungechunge, lidonsa abagijimi abavela ezweni lonke abafisa ukugijima emigwaqweni yalo emihle. Kulo nyaka samukela abagijimi abanolwazi kanye nalabo abaqala okokuqala ukuze bazozwa amandla, ubumnandi nomoya wobumbano owenza le Series ibe yimpumelelo. Lo mjaho awugcini ngokuba umjaho kuphela – uyigubha yokugijima, idolobha kanye nomoya omkhulu wabagijimi baseNingizimu Afrika.”
UJabulile Nsibanyoni, oyiNhloko Yezoxhaso kwa-Absa Group, uthe:
“Siyajabula ukumemezela ukubuyela kwethu eThekwini ku-Absa RUN YOUR CITY Series ka-2026. Noma ngabe ungumgijimi onolwazi noma usaqala, lo mjaho uwomuntu wonke. Ungagijima ngokushesha, ujoge noma uhamba kancane, ujabulele ukubuka ulwandle futhi ngesikhathi esifanayo unikele ezinhlanganweni zosizo. Simema umphakathi waseThekwini ukuthi uhlanganyele nathi, wabelane ngezindaba zabo njengoba sigqoka izicathulo zokugijima siyogcwalisa imigwaqo yedolobha.”
IZINSUKU ZEMICIMBI: Absa RUN YOUR CITY Series 2026
1. ISonto, 01 Mashi 2026
Absa RUN YOUR CITY GQEBERHA 10K
- Owinile (Amadoda): Adriaan Wildschutt (RSA) – 27:47
- Owinile (Abesifazane): Brenda Jepchirchir (KEN) – 30:15
2. ISonto, 10 Meyi 2026
Absa RUN YOUR CITY CAPE TOWN 10K
3. ISonto, 12 Julayi 2026
Absa RUN YOUR CITY DURBAN 10K
- Isikhathi sokuqala: 08:00
- Indawo yokuqala: Masabalala Yengwa Avenue (MY)
- Indawo yokuphetha: Sunkist Lawns, Durban Promenade
Imali yokungenela:
- Umgijimi onelayisensi: R255.00
- Ilayisensi yesikhashana: R60.00
- Ukungenela kuvulwa: ULwesine, 19 Mashi 2026
- Kuvalwa: UMsombuluko, 29 Juni 2026 noma uma izindawo zigcwala.
4. ISonto, 23 Agasti 2026
Absa RUN YOUR CITY TSHWANE 10K
5. ULwesine, 24 Septhemba 2026
Absa RUN YOUR CITY JOBURG 10K
Facebook: @Gqeberha10k / @CapeTown10k / @Durban10k / @Tshwane10k / @Joburg10k
Instagram: @Gqeberha10k / @CapeTown10k / @Durban10k / @Tshwane10k / @Joburg10k
Hashtag: #RunYourCity #AbsaRunYourCity
WhatsApp: 072 042 7613
Iwebhusayithi: www.runyourcityseries.com
