Esithombeni abasiki bengqephu ababengenele lomncintiswano we Durban Fashion Fair
Kusukela kubasiki bengqephu kanye nabaqeqeshi kuya kulabo abasezingeni lwamazwe , iDurban fashion Fair (DFF) isiqede iminyaka engu-15 ilokhu ithuthukisa abasiki bengqephu abasafufusa kuze kufinyelele kulabo asebengosomabhizinisi abavelele.
Njengoba loluhlelo luqeda iminyaka engu -15 lwabakhona ngaphansi kwesiqubulo esithi “Where Legacy Lives”, uMasipala weTheku umema abasiki bengqephu ukuthi babe ingxenye yalengqopha mlando yombukiso ethembisa ukukhula okwedlulele kunakuqala.
Ithuba lokufaka izicelo lisavuliwe manje kuze kuba kushaya umahlaka 31 Julayi 2026
Abasiki bengqephu abanothando lokukhangisa imisebenzi yabo bangafaka izicelo ngokugcwalisa amafomu ezicelo ku-intanethi ngokuvkashela ku: https://forms.gle/9yHiqibirFNaxtLq9.
Le-Durban Fashion Fair osekungeka -15 ezoqala kusukela mhlaka 16-18 Septhemba eDurban Exhibition Centre oyobe uhlanganisa nomcimbi wama –Awards ngomhlaka 19 Septhemba .
Kulonyaka lombukiso uzobe ubungaza uhambo lwabasiki bengqephu asebeqede iminyaka engu-14 nasebephumelele ukuzisungulela amabhizinisi ezengqephu , badala namathuba emisebenzi,baphinda babukisa ngemisebenzi yabo ezingeni likazwelonke, kanye nasezingeni lwamazwe omhlaba.
Lomcimbi uzophinde futhi wethule isizukulwane esisha kwezefeshini asebezakhele igama okumanje babambe iqhaza kuqeqesho lwezinyanga eziyishumi ngaphansi kohlelo lwe DFF , kugcizelela umsebenzi wedolobha ekuthuthukiseni amathalente kwezobuciko kanye nokukhulisa umnotho kwezemfashini.
USihlalo weDolobha wezokuThuthukiswa koMnotho kanye neKomidi Lezokuhlela u Thembo Ntuli, uthe loluhlelo selube ngolunye oluvelele kakhulu ngokuthuthukisa umnotho kwezobuciko kuMasipala.
Kusukela eminyakeni edlule engu 15, iDFF isibonisile ukuthi imfashini inamandla ekukhuliseni umnotho ngaphansi kohlelo loqeqesho , kanye nokuthuthukiswa kwamakhono luphinde luvule amathuba ezimakethe. Loluhlelo seluqeqeshe lawaphinde lweseka amakhulu abasiki bengqephu ukuze bazisungulele amabhizinisi abo , bathola amathuba okungena ezimakethi zasekhaya kanye nezomhlaba , kanye nokuvula amathuba emisebenzi. Lengophamlando ibungaza lempumelelo iphinde igcizelele ukuzibophezela kwethu ekuthuthukiseni isizukulwane sabasiki bengqephu abavelele eNingizimu Afrika.”
Selokhu yasungulwa iDFFisikwaze ukuthuthuka yaze yafinyelela ezingeni lohlelo lokuthuthukisa ezoqeqesho, kanye namathuba okuthola amathuba okufaka impahle ezitolo, nasezimakethe zomhlaba.
Ngokohlelo olufana ne DFF Emporium eseMalzi mega City kanye nezitolo ezimane ziba khona lokuthuthukisa amabhizinisi amancane, kanye nalawo aphakathi nendawo, lokhu kubeka iTheku eqophelweni eliphambili lwezemfashini e-Afrika.Ukwazi kabanzi xhumana no: nondumiso.mthembu@durban.gov.za. Uphinde ulandele ezinkundleni zonke zokuxhumana @DurbanFashionFair
