THOBILE MBATHA
UMnyango wezokuHlaliswa kwaBantu usukhiphe isexwayiso osibhekise emphakathini mayelana neLinkdin account eyi-fake eyakhiwe amaqola azenza uNgqongqoshe waloMnyango uNkk Mammabolo Kubayi.
Ngokwesitatimende esithunyelwe kwabezindaba sithi amaqola asebenzisa le fake account ukukhohlisa abantu ebathembisa ukuthi izobasiza ngamathuba okuthola imali yoxhaso. Elinye ilunga lomphakathi lisanda kuba isisulu sokuqolwa imali elinganiselwa ku R8000 wokubhalisela umkhankaso abewubiza nge “European Business Fund”. Kwathi emva kokuwanika iBusiness Plan aphinda aqola lona lelilunga enye imali engu R60, 000.
Isitatimende siqhuba sithi enye indlela esetshenziswa ilamaqola ukukhipha amaQuotations amanga ngaphansi kwegama loMnyango. Ngakho umphakathi uyaxwayiswa ukuthi uhlale uqaphile uphinde wenze isiqiniseko ngaphambi kokuthatha izinyathelo ezidinga kukhishwe imali noma ulwazi olubalekile-SAnews.gov.za
