SAMUKELISIWE MBONAMBI
USomizi Mhlongo ukhuza ibuya emsakazweni iMetro FM. Lokhu kulandela ukumenyezelwa kwezinguquko ezintsha emsakazweni nokuveze ukuthi uSomizi uzojoyina iMetro FM ohlelweni lango ngo-9am-12pm iThe Bridge ehambisana noQuinton Masina “Naked DJ”nomsakazi omusha uKhutso Theledi.
Lomsakazi uzophinde aphathe i-The Weekend Breakfast Sounds Good no-Mat Elle ngo 6am-9am.
Ukubuya kukaSomizi kuza ngemuva kokucela ikhefu kubaphathi bakhe beMetro FM ngo August 2021 kade kuvele izinsolo zokuthi uhlukumeza umyeni wakhe uMohale Motaung.
Esabalalisa izindaba kubalandeli bakhe uSomizi uposte i line-up yeMetro FM yezinhlelo ezintsha nabasakazi obasha.
Lesi siteshi samukele uPretty Ngwenya, osanda kuphuma kuVoW Radio, njengomsakazi omusha wohlelo lwasekuseni lwangempelasonto, iThe Lift.
USiya Mhlongo ongumsakazi wohlelo olusha olubizwa nge-Command Your Day, phakathi nesonto kusukela ngo-5-6 ekuseni.
USabelo Mtshali“DJ Sabby” ungumsakazi omusha weMetro FM Breakfast ehambisana nomsakazi weYFM uKandice Coulsen“Kandice Kardash”.
UFaith Mangope, owake waba ngumsakazi wohlelo lwasekuseni kwiPower 98.7, ujoyina lesi siteshi njengomsakazi omusha weMetro FM Talk kusukela ngoMsombuluko kuya kuLwesine ngo-7-9 ebusuku.
U-DJ Le Soul ujoyine iMetro njengomphathi weThe Urban Beat ehambisana noRyan the DJ.
“Isiteshi senza umzamo omkhulu wokutshala ithalente elihamba phambili elizoqhubekisela phambili isu laso. Sizibophezele ekuletheni okuqukethwe okukhethekile,” kusho umphathi siteshi uKina Nhlengethwa esitatimendeni.
