SHEILA MHLONGO
Izindaba ezinhle kubashayeli bezimoto nakubathengi njengoba kulenyanga kaMeyi kusukela ngoLwesithathu lomhlaka-07 Meyi 2025 upetroli kuphinde kwehluswa amanani ka-petroli.
Lokhu kuza ngemuva kokuthi uNgqongqoshe wezokuMbiwa Phansi nezaMandla, uMnu. Gwede Mantashe ememezele ukubuyekezwa kwamanani kaphethiloli ngokuhambisana nezimo zamanje zakuleli nezamazwe omhlaba, kusukela ngoLwesithathu 7 Meyi 2025.
Intengo kaphethiloli engu-93 (ULP ne-LRP) yehle ngo-22 cents ilitha, kanti ne-95 (ULP ne-LRP) izokwehla ngo-22 cents ilitha.
Njengamanje, ilitha lephethiloli engu-95 libiza u-R21.62 eGauteng. Kusukela ngoLwesithathu, selibiza u-R21.40 ilitha.
Ogwini, ilitha le-95 elibiza u-R20.79 u-R20.57 ngoLwesithathu.
Ngaleso sikhathi, intengo kadizili (0.05% usulphur) yehle ngo-42 cents ilitha kanti leyo kadizili (0.005% usulphur) yehla ngo-41 cents ilitha.
Intengo yeParafini Elikhanyisa (wholesale) yehle ngo-31 cents ilitha.
Intengo enkulu yokudayisela eyodwa ezweni lonke (Single Maximum National Retail Price – SMNRP) yeparafini elikhanyisa yehle ngo-41 cents kanti intengo ephezulu yokudayisela iLPGas ikhuphuke ngo-46 cents ngekhilogremu.
“Intengo emaphakathi kawoyela iBrent Crude yehle isuka ku-71.04 amadola aseMelika (USD) yaya ku-66.40 USD phakathi nalesi sikhathi esibuyekezwayo.” kusho uMnyango wezokuMbiwa .
“Intengo emaphakathi yamazwe omhlaba yemikhiqizo kaphethiloli njengephethiloli nodizili ilandele ukwehla kwamanani kawoyela kanti iLPG yona inyuke ngenxa yezindleko zokuhamba eziphezulu (freight) phakathi nalesi sikhathi,” kusho lo mnyango.– SAnews.gov.za
