SHEILA MHLONGO
Sekuqalile ukuthela izithelo ezibonakalayo ukuvuselelwa kabusha kwamabhilidi abesegugile asedolobheli leTheku,njengoba uMnyango obhekene Nezakhiwo Ezinezinselele (Problem Building Devision) usuphumele obala ngokusingatha izakhiwo eziyizi-47 ezonakele kusukela waqala ukusebenza ngo-2019.
Lempumelelo iwuphawu olubalulekile lwe Urban Regeneration kuMasipala weTheku.
Phakathi konyaka wezimali ka-2024/25, izakhiwo eziyizi-22 zavuselelwa kabusha ngaphansi kohlelo olubandakanya izindlela zokuphepha, ukubhidlizwa okugcwele noma okuyingxenye, kanye nokulungiswa kwezinto eziyisisekelo.
Le mizamo ibandakanya idolobha elingaphakathi kanye nezindawo ezizungezile, iqondiswe kuzo zonke izinhlobo zobunikazi bezakhiwo.
UMasipala usuthole imiphumela emihle kule minyaka emibili edlule.
Izakhiwo eziyishumi nanye (11) zaguqulwa zaba ngcono ngabanikazi bazo ngemuva kokungenelela kukaMasipala.
Ezinye izakhiwo eziyisithupha (6), okubalwa kuzo neChinese Emporium eyaziwayo, zabhidlizwa kwathi eziyishumi nesithupha (16) zahlonzwa zabe sezilungiswa ukuze kuthuthukiswe ukuphepha.
Okwamanje, uMasipala usaqhubeka nokulungisa ezinye izakhiwo eziyisithupha njengengxenye yokuzibophezela ekuvuseleleni amadolobha.
Lezi zakhiwo zihlanganisa:
- 172 Mahatma Gandhi Road
- 502 Mahatma Gandhi Road
- 107 Anton Lembede Street
- 12 Dr Pixley KaSeme Street
- 15 Milton Road
- 71 Wills Road
Ukulungiswa kuqondiswe ekuphepheni kwesakhiwo, ekuthuthukisweni kobuhle bazo, kanye nokuqinisekisa ukuthi azingenelelwa ngendlela engekho emthethweni.
Okubalulekile wukuthi kubhekwe kuqala izakhiwo eziyingozi emphakathini. UMphathi weDolobha uMnu. Musa Mbhele ugcizelele ukubaluleka kokusingatha izakhiwo ezonakele.
“Ukusingatha izakhiwo ezinezinselele kubalulekile ekubuyiseleni ukuzethemba ebhizinisini nasekuheheni abatshalizimali. Uma isakhiwo esonakele sesilungisiwe, kuthinta kahle indawo ezungezile, kwehlise ubugebengu okuyihlazo, kuthuthukise indawo yomphakathi futhi kwandise ubuhle bendawo,” kusho uMbhele.
Uqhubeke wathi: “Lokhu kuhambisana nombono wethu wokuba yiDolobha elinakekela kakhulu futhi okuphilekayo kulona.”
Uchaze ukuthi uMasipala ulandela inqubo esemthethweni ngaphambi kokungenelela ezakhiweni eziphethwe ngabantu abazimele.
Lokhu kubandakanya ukukhipha izaziso ngokuhambisana neMithetho Yezakhiwo Kazwelonke, ukuxhumana nabanikazi bezakhiwo ukuze bancengele ukulandela umthetho ngokuzithandela, futhi njengenyathelo lokugcina, ukufaka isicelo eNkantolo eNkulu ukuze banikezwe igunya lokulungisa noma ukubhidliza izakhiwo uma abanikazi behluleka ukwenza okuthile.
UMasipala uyakwazi ukubuyisa izindleko kubanikazi bezakhiwo abangalaleli futhi angathatha izinyathelo zomthetho ezifaka phakathi ukushushiswa kanye nemali yenhlawulo yokukhokha irate eyengeziwe ingafinyelela ku-24.8 izikhathi zelayisense ejwayelekile.
Ezimweni ezinzima, uMasipala angafaka isicelo sokudayiswa kwesakhiwo ukuze abuyise izikweletu ezingakhokhiwe.
UMasipala ukhuthaza abanikazi bezakhiwo ukuthi bahlale bezinakekela, futhi unikeza izinzuzo ezithile kulabo abalalela imithetho.
Lezi zinzuzo zihlanganisa:
- Izinzuzo zentela ezivela ku-SARS ngaphansi kwezindawo zokuthuthukisa amadolobha
- Isaphulelo esingafika ku-50% ezindlekweni zokufaka izicelo zokuthuthukisa
- Ukujuthwa okusheshayo kwamapulani wezokwakha
UMasipala waseThekwini uphinde usebenzisane noMnyango wezeMisebeni kaHulumeni ukuze kubhekwe izakhiwo eziphethwe uhulumeni.
Esinye salezi zakhiwo, esitholakala ku-9 no-14 Margaret Mncadi Avenue (i-Esplanade Government Building), sihlonzwe ukuthi sizophinde sakhiwe kabusha.
UMbhele uphethe ngokuthi ngaphansi kophiko lwe: “Problem Building Division kanye nokusebenzisana nabathintekayo, uMasipala waseThekwini uqhubeka nokukhombisa ukuzibophezela ekudaleni indawo yasemadolobheni ephephile, ehlanzekile futhi echumayo. Lemizamo ayenzi nje kuphela ukuthi idolobha libukeke kahle kodwa kodwa futhi lwandisa ukuzethemba kubatshalizimali kanye nokuqhenya emphakathini kubekwa isisekelo sedolobha eliphumelelayo nokuhlalekayo kulo.”
Top of Form
Bottom of Form
