UMengameli waMaZulu, uMnu. uSandile Zungu, usememezele izinguquko endimeni yokuqeqesha eqenjini loSuthu njengoba isekela lomqeqeshi u-Ayanda Dlamini liqokelwe kwesokuba umqeqeshi wesikhashana, kwathi uRomain Folz okade engu mqeqeshi weqembu wangena esikhundleni sokuba ngu-technical director kanti uphinde eluleke umengameli mayelana nezinhlelo zohlelo lwe- AmaZulu’s Vision 2032.
Abafana baseClapham High School yaseNingizimu Afrika, bathwalise kanzima abafana baseC.S Ben Sekou Syla okuyisikole saseGuinee, ngesikhathi zibanga isicoco sokunqoba kumdlalo weConfederation of African Football, njengoba kuze kwaphela umdlalo belingana ngamagoli 1-1.
Umqeqeshi uPitso Mosimane uthi abadlali baseNingizimu Afrika kumele bakuqonde ukuthi ukudlala phesheya akusho ukuba se-England kuphela kodwa abadlali kumele babheke ukudlala nakwamanye amazwe, lokho kungabathuthukisa ekubeni behola imali eningi uma beqhathaniswa neyasekhaya.
Ukuphumelela kweBafana Bafana kulethe okukhulu ukukhululeka kumqeqeshi weqembu lasekhaya uHugo Broos. Ukudlala ngokulingana kweBafana Bafana emdlalweni wabo neLiberia akuliqedanga umfutho iqembu.
Ngonyaka ka-2021, i-CAF yathumela umlayelo ezifundeni zayo ezingu-54 wokuthi amaqembu asekhaya kufanele ethule amaqembu abesifazane njengoba sekuzoba enye yezinto ezidingekayo ukuze amaqembu angenele iChampions League neConfederation Cup. Kodwa-ke, amaqembu ezingxenyeni eziningi zezwekazi, okuhlanganisa neNingizimu Afrika kubukeka sengathi lomthetho awushaya indiva osekudale ukuthi kube nomnqamulajuqu wokwenza lokhu.
Uhanjelwe izinkulungane zezibukeli umqhudelwano webhola lezinyawo labantu befisazane abaneminyaka engu-50 kuya phezulu okungowokuqala ngqa okade ubanjelwe eLimpopo eTzaneen kulomqhudelwano bekuqhathwe amaqembu angu-16 aphuma emazweni ehlukene angu-7 amaqembu akuleli azobamba iqhaza mase kuthi amanye aphuma emazweni afana noFrance Mozambique, Zimbambwe, America, Zambia ukubala ambalwa.
IMarumo Gallants eguqiswe ngo 4-1 yi-Al-Akhdar emdlalweni kaGroup A weCAF Confederation Cup ayiphelelwanga ithemba nokuyisize ukuthi ize ifinyelele esigabeni sama Quarter finals
IGallants isendaweni yokuqala eqoqweni layo ngamaphuzu angu-9 emidlalweni emihlanu, inqobe emithathu yahlulwa kwemibili.
Ukuqhathwa kwamaqembu azodlala kuma-quarter final eNedbank Cup bekubanjelwe eGoli ngoMsombuluko ebusuku. Imidlalo yalesigaba izodlalwa ngomhlaka 15 Ephreli kodwa izindawo ezodlalelwa kuzo zizoqinisekiswa ngokuhamba kwesikhathi.
Kule nyanga, iPuma engumxhasi weqembu lamaProteas ithule ijezi lamaProteas eKapa azoligqoka mase kuqhubeka imidlalo yeNdebe yoMhlaba, kanti inkampani ye-medical aid ehamba phambili i-Discovery isayine isivumelwano se wellness sponsorship seminyaka emithathu naleli qembu.
Imidlalo yokubhukuda yezikole zamabanga aphansi namabanga aphezulu kade ibanjelwe eKings Park Swimming Pool eThekwini ngesonto eledlule
