EZEMIDLALO

I-KZN Netball Federation isingathe ngempumelelo umqhudelwano wokuqala weKZN Netball Challenge eyethulwe ePrime eThekwini, eMoses Mabhida Stadium ngesonto eledlule.

Abagqugquzeli bomqhudelwano weWorld Table Tennis Championships ozoba seThekwini ngoMeyi,babambe umcimbi wokuqeda izinsuku ezingu-84 waqala lo mqhudelwano eThekwini, okuwuphawu lweminyaka engu-84 wagcina ukusingathwa e-Afrika e-Egypt.

Umgadli weSuperSport United, uBradley Globler, ubhale igama lakhe ezincwadini zomlando webhola laseNingizimu Afrika ngokushaya igoli lakhe lesi-100 kuyo yonke imiqhudelwano yePremier Soccer League ngoLwesihlanu. Igoli lakhe kube ilona elinqobise iSuperSport iguqisa iMaritzburg United ngo2-0 eLucas Moripe Stadium, ePitoli.

U-Andries(19) wagwazwa ebusuku bezijabulisa nabangani bakhe eKapa ngasekupheleni kukaJanuwari ngaphambi kokuthi ashone ekulimaleni kwakhe ekuqaleni kwale nyanga. Selokhu edlulile emhlabeni leli qembu selibambe imicimbi eminingi yokumhlonipha okubalwa kuyo nenkonzo yesikhumbuzo.

U-Owethu Zulu (15)odabuka eMelmoth ngokokuzalwa kodwa otholakala eMlazi esigcemeni saka K ngokokuhlala uqale ukudlala ibhola lezinyawo ngonyaka ka2013 waze wagcina esethola ithuba lokudlalela iBM FC ekuyiqembu elizinze endaweni yaseMandeni waphinde wadlala kumncintiswano weSAB kanye ne-ABC Motsepe.

UTshepo Nojila, utholwe esaphila futhi usehlanganiswe nomndeni wakhe eMadibogo Village esiFundazweni saseNorth West. Umsizi kanompempe, uNojila oneminyaka engu-32 ubudala ususe umsindo ngempelasonto ngemuva kokubikwa ukuthi usenyamalele izinsuku ezinhlanu(5) kade egcine ukuphatha umdlalo weDStv Premiership phakathi kweRoyal AM neGolden Arrows ngomhlaka-4 Febhuwari 2023.

Ingwazi yeBafana Bafana, uBenni McCarthy, ichazwe njengomuntu ofana nesibusiso efika ishintsha izinto kwiManchester United kuPremier League. UMcCarthy owake waba ngumgadli, ujoyine iManchester United ezinyangeni ezedlule ngemuva kokuhlukana naMaZulu adlala kuDStv Premiership.

Inhlangano yebhola yaseNingizimu Afrika (SAFA) ithi ifisa ukusho ukuthi asikho isinqumo esingujuqu esithathiwe mayelana nokubamba iqhaza kweBanyana Banyana kwi-Turkish Women’s Cup yale nyanga.

IRoyal AM isimemezele ukuthi isayinise uHappy Jele owayengukaputeni we-Orlando Pirates.

UJele, osezodlala imidlalo engu-300 yeligi nosehlale engenaqembu kusukela ekupheleni kwesizini edlule eshiya kumaBhakabhaka, uzokwengeza kubadlali basemumva  kwiRoyal AM.

Kushaqe abaningi ukudlula emhlabeni  komdlali wasemuva osemncane othembisayo weStellenbosch FC nongu kaputeni waseNingizimu Afrika ka-Under 20 u-Oshwin Andries. U-Andries kuthiwa wagwazwa engxabanweni eyenzeke ngesonto eledlule  yize ebeselulama kodwa kubonakala sengathi ushone ngenxa yezinkinga ezihambisana nokulimala.