EZEMIDLALO

U Percy Tau ube yiqhawe eGibhithe eqobela amanqaku amabili ezakhe i Al Ahly zibhokoda i Esperance De Tunis ngamanqaku amathathu eqandeni ngoLwesihlanu olwedlule.

AmaZulu FC asazoqhubeka nokulolongwa ngu Ayanda Dlamini othathe izintambo ngemuva kokuthi leliqembu laKwaZulu- Natal lixoshe loyo obengumqeqeshi wayo u Folz ngenxa yokuphikwa yimiphumela.

Kuze kwasiza amaphoyisa uMama Joy osengumlandeli wokuqina we Royal AM obethukuthele egane unwabu kade ezakhe zibhekene   neOrlando Pirates obekuyiqembu lakhe lakudala.

I Table Tennis Board kanye ne KZN Department of Sport e Royal Hotel kube nesifundo nge Table Tennis kanti kuvelile ukuthi I South Africa iqalile ukulungisa ama Champions akusasa.

I-KZN Chess Open ifinyelele esiphethweni ngeSonto ntambama, ngemuva kwemizuliswano engu-8 ye-chess yokuncintisana. Lo mqhudelwano unqotshwe abadlali baseGauteng abavelele bemuka nemali engu-R3 500.

Izazi ze-FIFA’s Talent Development (TDS) zivakashele ikomkhulu le-SAFA eGoli ngesonto eledlule ukuze njengoba liqhubeka uhlelo lokuthuthukisa iNingizimu Africa. “Sisebenze kakhulu ohlelweni lwamasu kuleli sonto saphinde sabheka ukuthi iSafa ingayithola kanjani imali ephuma kuFIFA emzuliswaneni olandelayo. Siphinde senza izincomo kuSafa ukuthi indlela engcono yokuthi izwe lithuthuke ebholeni lomhlaba wukuthi zonke izinhlaka zisebenzisane,” kusho ungoti we-Fifa High Performance u-Abdul-Faisal Chibsah.  

INedbank Cup isiyiqinisekisile imininingwane mayelana nezinsuku, izindawo kanye nezikhathi zemidlalo yeNedbank Cup Semi-finals ezodlala ngenyanga ezayo. Lamaqembu azodlala kulesigaba esilandelayo somqhudelwano  aqhathwe kade kuphela umdlalo obuphakathi kweKaizer Chiefs kanye neRoyal AM owawuse kundleni yezemidlalo iChatsworth Stadium. iKaizer Chiefs ne-Orlando Pirates izobhekana nomunye kowandulela owamanqamu, mase kuthi iStellenbosch FC sona sitholane phezulu neSekhukhune United noma ngubani owinile uzodlala owamanqamu okokuqala ngqa emdlalweni weStellenbosch neSekhukhune.

UPriscilla Masisi, onguMqondisi womqhudelwano weNdebe yoMhlaba yenetball ka2023 ucele abalandeli be-Netball nezakhamuzi zakuleli ukuthi baqhubeke nokuthenga amathikithi alo mqhudelwano osusondele.

UNgqongqoshe wezeMidlalo, ubuCiko namaSiko, uZizi Kodwa, wethule umkhankaso weNdebe Yomhlaba yebhola lomqakiswano ka-2023 (#2023NWC) ngomhlaka 14 Ephreli 2023, enkundleni yezemidlalo iMehlareng , eTembisa okuhloswe ngawo ukugqugquzela nokuhlanganisa abantu baseNingizimu Afrika ukuba balandele iqembu lesizwe le-netball, i-SPAR Proteas.

Unompempe u-Akhona Makalima uthi abadlali bePSL bayamuhlonipha, ngabe uqamba amanga uma engathi kukhona oseke wamenza wazizwa engingakhululekile. Ngesikhathi evakashele isiteshi somsakazo iMetro FM ohlelweni oluphathwa u-Andile Ncube uveze ukuthi omunye umqeqeshi wake wathi kufanele engabe usemakhishini kodwa lokho wakuthatha njengehlaya kanti nomqeqeshi wabuye waxolisa.