Abazali bakhuthazwe ukuthi bangenqeni ukuveza obala izingane zabo ezikhubazekile ukuze
zaziwe futhi nomphakathi uzijwayele ukuze zingazizwa zicwasekile futhi zehlukanisiwe
nabanye abantu.
Uhulumeni welule isikhathi sesibonelelo se COVID-19 Relief Distress (SRD Grant)kuze kube uMashi 2025.
Njengoba sekusondele isikhathi samaholidi okuphela konyaka, abeRoad Traffic Management Corporation (RTMC), okuyibo ababhekele ukugcinwa komthetho, sebekhiphe isitatimende esixwayisa amaPhoyisa omgwaqo ukuthi angalokothi alingeke ngokugwazisa izephulamthetho emgwaqeni ngoba uphiko lwe anti corruption luzobe lusezithendeni zawo amaphiyisa.
Njengoba abantu abaningi baseNingizimu Afrika befuna izixazululo ezithengekayo nezithembekile zikagesi welanga ukuze bavikele amakhaya abo namabhizinisi ekucimeni kukagesi, iNedbank yethule isethi yayo yokuqala yamaphakheji ezimali elanga ahamba phambili ezimakethe atholakala kusizindalwazi sabo se-Avo Solar.
SHEILA MHLONGO Sesifikile leso sikhathi sokuvulwa kokufakwa kwezicelo zoxhasomali lwe National Student Financial Aid Scheme (NSFAS), okuzokwenzeka kusukela kumhlaka 21…
UMnyango Wezemisebenzi kaHulumeni kanye neziNgqalasizinda , usukhiphe isitatimende esexwayisa abantu bakuleli ikakhulukazi labo abafuna amathuba emisebenzi kanye nosomabhizinisi abancane mayelana nezinswelaboya eziphume umkhankaso wokugebenga abantu njengoba kuza isikhathi samaholidi okuphela konyaka.
Ingozi yemoto eyamshiya ekhubazekile yamfundisa ukwamukela isimo njengoba sinjalo empilweni, lowo uMnu. uMusa E. Zulu onethalente eliyisimanga lokwenza izinto eziningi ezishiya abantu bemangele. UZulu ungusomabhizinisi, nomsunguli wenkampani yakhe i Valhalla Arts, aphinde abe umdwebi, umbhali wezincwadi, kanye nomethuli wezinkulumo ezakhayo (Motivational Speaker).
UNdunankulu waKwaZulu-Natali uMhlonishwa uNomusa Dube-Ncube ngokubambisana noNgqongqoshe wezokuThutha, nezokuPhepha koMphakathi uMhlonishwa uSipho Hlomuka wethule uhlelo Integrated Festive Season and Safety eHammarsdale ngoLwesibili lomhlaka 7 Novemba. Lapha ubehambisana noMeya weTheku ukhansela uMxolisi Kaunda kanye noNgqongqoshe wezeMpilo uNomagugu Simelane.
Babalelwa ku 60 oMasipala abakweleta inkampani yakwaEskom ngogesi asebefake isicelo sokubonelelwa ngezikweletu zabo. Lokhu kudalulwe uNgqongqoshe wezeziMali kuleli uMnu Enoch Godongwane ngesikhathi ethula isitatimende saphakathi nonyaka seSabelomali ePhalamende ngoLwesithathu olwedlule.
Kukhuthazwa abantu abakhubazekile ukuthi bafake izikhalazo zabo mayelana nezicelo zabo zesibonelelo sokukhubazeka ezingaphumelelanga. Lokhu kudalulwe isitatimende seSANews, lapho sithe umuntu okhubazekile unelungelo lokufaka isikhalazo sakhe ezinsukwini ezingu-90 emva kokuthola impendulo echitha isicelo sakhe, futhi okhubazekile unelungelo lokufuna incazelo kubasebenzi bakwaSASSA .
