SHEILA MHLONGO
IMILAYEZO YANAMUHLA: 08 Meyi 2025
UMengameli uCyril Ramaphosa wethule ngokusemthethweni Isigaba Sesibili sohlelo i-Operation Vulindlela ngoLwesithathu (7 Meyi 2025). Kulesi sigaba, uhulumeni uzoqhubeka nokwenza izinguquko ezintathu ezintsha.
Okokuqala, uhulumeni uzobhekana nefa lobandlululo lokungalingani kwezindawo zokuhlala ngokuguqula inqubomgomo yezindlu ukuze abantu bakwazi ukukhetha ukuthi bafuna ukuhlala kuphi, ngokusebenzisa izibonelelo ezisekela umkhakha wokuthengwa kwezindlu nezokurenta ezingabizi.
Okwesibili, uhulumeni uzothuthukisa ukusebenza kukahulumeni basekhaya ngokwenza ngcono ukunikezwa kwezinsiza zamanzi nogesi ngezinkampani zobuchwepheshe ezichwepheshile.
Phakathi kwezinye izinto, uhulumeni uzosebenza ukuqinisekisa ukuthi abantu abaqeqeshiwe nabaneziqu ezifanele baqashwa ezikhundleni eziphezulu emakhanseleni, njengemenenja kamasipala kanye neCFO.
Okwesithathu, kugxilwa ezintweni zobuchwepheshe besimanjemanje. Lokhu kuzofaka phakathi uhlelo lukamazisi olusezingeni lobuchwepheshe, izindlela zokukhokha ezisheshayo ukuze kwandiswe ukufinyelela kwezomnotho, kanye nokwenza kube lula ukuthi abantu bafinyelele ezinsizeni zikahulumeni njengezicelo zama-ID noma amapasipoti ku-inthanethi.
Inhloso kahulumeni ukuqinisekisa ukuthi wonke umuntu waseNingizimu Afrika uyazuza ekukhuleni komnotho okusheshayo, okuqhubekayo, nokufaka wonke umuntu.
Ukuze uthole ulwazi oluningi nge-Operation Vulindlela, vakashela: https://www.stateofthenation.gov.za/operation-vulindlela
Sicela wabelane ngale milayezo nabo bonke abasebenzi bakahulumeni usebenzisa izindlela nezinkundla ezitholakalayo emahhovisi enu.
Lo myalezo ulethwe yinhlangano yezokuxhumana nohulumeni (Government Communication and Information System).
