Zisahamba kahle zonke izinhlelo zomcimbi Reggae Music Festival ozobubanjelwe eHluhluwe mhlaka -29 Novemba ngoMgqibelo. Lomcimbi uzobubophele abaculi abasemazingeni aphezulu, kubaculi abazobe bekhona singabala u Dumakahle, Dr Buselaphi, Amatshitshi Amhlophe, Thando2nd2, UNyanda, Mellowman, Sir Silence kanjalo nabanye.
Omunye wabahleli balomcimbi uMnu. Siboniso Buthelezi, uthe inhloso yalomcimbi ukuqhakambisa umculo nabaculi beReggae. “Libukeka lifiphabala isasasa lalomculo ngenxa yokuthi awusanikwa ithuba elanele ngisho emsakazweni” kusho uShenge. Inhloso yawo bekuwukubona loluhlobo lomculo libuyelwa isithunzi kanjalo nabaculi abenza loluhlobo lomculo. Kubuhlungu ukubona abaculi abenza ezinye izinhlobo beqashwa ngapha nangapha kepha abe Reggae banganakwa.
Ube esebonga abantu abazofika ngobuningi babo njengoba kuzobe kungenwa mahhala. Umcimbi uzoqala ngo- 09:00 ekuseni uphele ebusuku.
