Aphume ngobuningi amadoda emashini ebiholwa yiSilo Samabandla uMisuzulu kaZwelithini, ukuzokhombisa ukuzimisela kwawo ukuqeda nya isihlava sokuhlukunyezwa nokubulawa kwabesifazane nezingane. Lemashi ehlelwe yiGoodmen Foundation ibibanjelwe elokishini laseMlazi ngoMgqibelo womhlaka 22 Julayi.
Ngokwesitatimende esicashunwe ekhasini lika facebook likaMasipala weTheku sithi, lemashi ibihanjelwe ubuholi obuphezulu kuzwelonke esingabala kubo iPhini likaMengameli weZwe uMnuz Paul Mashatile, uNgqongqoshe obhekele eZabesifazane, iNtsha naBakhubazekile uDkt. Nkosazane Dlamini-Zuma, iPhini likaNgqongqoshe weZempilo uDkt Sibongiseni Dhlomo, nelunga lesigungu esiphezlu eThekwini uKhansela Nkosenhle Madlala.
