NKOSIE NTOMBELA
Imidlalo yama-quarter-final yeCarling Knockout Cup ka-2023/24 isiqinisekisiwe ngemuva kokuqhathwa kwamaqembu eTshwane ngeSonto mhlaka 22 October eTshwane.
Emzuliswaneni wokuqala ongasoze walibaleka, iMamelodi Sundowns iguqiswe TS Galaxy nezinkunzi zase Soweto i Kaizer Chiefs iguqiswe amaZulu,abalandeli beMpofana abagcine sebejikijela umqeqeshi waphuma eseqashwe abezokuphepha enkundleni.
ISuperSport United ebisendaweni yesithathu kwilogi ngonyaka odlule iphinde yamangala ibhaxabulwa yiPolokwane City eTUT Stadium ngo 4-0 ngeSonto mhlaka 22 October, kwathi iCape Town City nayo yakhishwa ngemuva kokwehlulwa yiGolden Arrows ngo 3-1.
Njengoba oshampeni balendebe bezohlomula u-R6.5-million, undabamlonyeni ngu-R100 000 ohlomulwa umdlali ovelele usuku nosuku i”Man of the Match”,abaningi bethi lokhu kukhuphule izinga lokudlala kwabadlali baseNingizimu Afrika.
I-Orlando Pirates eseyinqobe zonke izindebe zasekhaya selokhu kwafika umqeqeshi uJose Riveiro izokhotha umlomo ifuna esinye isicoco ngemuva kokuhlula iCape Town Spurs ngo 2-0 e-Orlando Stadium ngoLwesihlanu kusihlwa mhlaka 20 October 2023.
Imidlalo eyandulela yamanqamu imi kanje :-
Polokwane City vs Stellenbosch FC
Sekhukhune United vs TS Galaxy
ERichards Bay vs Orlando Pirates
AmaZulu vs Golden Arrows
Izinsuku eziqondile kanye nezindawo okuzodlalwa kuzo ama-quarter-final zisazoqinisekiswa ngabe Carling Cup nabe PSL.
