SHEILA MHLONGO
Njengoba uMzansi ugubha uJulayi njengenyanga kazwelonke yokulondoloza imali, iPrescient Foundation igubha iminyaka engu-20 ngokuqinisa umkhankaso wokunikeza ulwazi lwezezimali kubantu abasha. Ngokuhlanganyela ne-School of Savings SA, iPrescient Foundation ithuthukisa uhlelo lwe-Project One Rand ezikoleni ezine zaseThekwini, lapho ifinyelela kubafundi abangaba ngu-500 abasebangeni leshumi –10.
Uhlelo lwe-Project One Rand lwenzelwe ukufundisa abafundi izisekelo zokulawula imali, ukulibazisa ukwaneliseka okusheshayo, nokuhlukanisa phakathi kwezikweletu ezinesidingo nalezo ezingadingeki. Abafundi banikezwa ama-workbook, imiyalelo enemisebenzi, nesikhwama sokonga ukuze baqale ukonga ngo-R1 ngosuku. Lolu hlelo luzoqhubeka izinyanga ezingu-18.
Izikole ezithintekayo kulolu hlelo yilezi:
- Sacred Heart Secondary (167 abafundi)
- Westham Secondary (92 abafundi)
- Magqibagqiba Secondary (117 abafundi)
- Phoenix Tech Secondary (116 abafundi)
Lolu hlelo lwakhiwe nguJoe Chetty, umsunguli weSchool of Savings, futhi lugxile ezintweni ezintathu ezibalulekile: Isinqumo, Ukuqondiswa, neDiscipline.
UNicole Pinto, oyi-CEO yePrescient Foundation, uthe: “Asifundisi nje ukonga, sifundisa ukuzethemba, imikhuba, nolwazi lwesikhathi eside.” Uthe futhi lolu hlelo lusiza ekubhekaneni nezinkinga ezifana nokungasebenzi kwabantu abasha, izikweletu zasemakhaya, nesiko lokufuna ukwaneliseka ngokushesha.
Le nhlangano izibophezele ekuphakamiseni imiphakathi ngokugxila kwezemfundo, ukuthuthukiswa kwemiphakathi, kanye nokuthuthukiswa okuqhubekayo. Ngokuxhasa Project One Rand, iPrescient Foundation iqinisa ikusasa labantu abasha baseNingizimu Afrika.
“Kulokhu kugujwa kweminyaka engu-20, siyaziqhenya ngokutshala kubaholi, ababambiqhaza, nabashintshi bekusasa – irandi elilodwa, isifundo esisodwa, umfundi oyedwa ngesikhathi.” kusho uPinto.
