SHEILA MHLONGO
UMasipala weTheku usekhiphe isitatimende mayelana nokukhathazeka komphakathi kulandela umyalelo osabalaliswe ezinkundleni zokuxhumana okhuluma ngesaziso esiseceleni kwesinye sezikhungo zezempilo, esicela iziguli ukuthi zilethe izincwadi zawo zokuhlonza (ama-ID) uma zivakashela esibhedlela.
Lolu lwazi luvele kabi kwaba sengathi abantu abangenazo izincwadi zokuhlonza bayenqatshwa ukufinyelela ezinsizeni eziyisisekelo zezempilo. UMasipala ufuna ukuqinisekisa emphakathini ukuthi lokhu akulona iqiniso.
Njengengxenye yenqubo ejwayelekile, iziguli ezivakashela noma yisiphi isikhungo sezempilo sikaMasipala okokuqala ziyacelwa ukuba zilethe ama-ID ukuze kuvulwe ifayela leziguli. Uma ifayela selivuliwe, isiguli asisadingi ukulethela i-ID uma sivakashela esikhungweni esifanayo esikhathini esizayo.
UMasipala uzibophezele ekuhlinzekeni ngezinsiza zezempilo ezitholakala kalula kubo bonke, futhi ukhuthaza izakhamuzi ukuthi ziqhubeke nokusebenzisa imitholampilo yawo engu-59 ukuthola usizo lwezempilo olubalulekile. Umphakathi uyanxuswa ukuthi ungadukiswa ulwazi olungelona iqiniso futhi ucelwe ukuthi uthinte imitholampilo yendawo ukuze uthole incazelo ecacile mayelana nenqubo yokusebenza.
