SHEILA MHLONGO
ULUNDI – UNgqongqoshe wezokuBusa ngokuBambisana neziNdaba zoMdabu KwaZulu-Natal (Cogta), uMfundisi Thulasizwe Buthelezi, uzwakalise ukudabuka okukhulu ngokudlula emhlabeni kukaMnu. Sipho Nkosi obeyiBamba leMenenja kuMasipala waseJozini.
UMnu. Nkosi ushone ngokuzuma ngoLwesithathu, 9 Julayi 2025. Ukushona kwakhe kushiye isikhala esikhulu endimeni yezoHulumeni baseKhaya KwaZulu-Natal. Njengomsebenzi onolwazi olunzulu kwezomasipala, uMnu. Nkosi uke wasebenza emikhakheni ehlukahlukene kaMasipala KwaZulu-Natal, kuhlanganisa eNongoma, eUlundi naseZululand District lapho ayehlala ekhombisa ukuzinikela nokusebenza kahle.
Uke waba ngumeluleki mayelana nezindaba zohulumeni basekhaya, enolwazi lweminyaka engaphezu kwengu-30 kulo mkhakha. Ukushona kwakhe kushiye indawo enzima kakhulu ukuyigcwalisa.
UNgqongqoshe uButhelezi udlulisa amazwi enduduzo emndenini wakwaNkosi, kubasebenzi kanye nomphakathi wonke waseJozini Local Municipality kulesi sikhathi esinzima.
