Abechichima injabulo amalunga omphakathi waseFannin eClermont, kuWadi 92, ngesikhathi uSihlalo weKomidi lezokuHlaliswa kwaBantu kule Wadi, uThembani Luthuli, enikezela ngezindlu emindenini emibili. Lezi zindlu zakhiwe ngaphansi kwesigaba sesibili sohlelo iWest Storm Disaster Housing Project 2019. Ngokusho kolwazi olucashunwe ekhasini lika Facebook kaMasipala weTheku sithi, zikhona nezinye izindlu ezizonikezelwa kubanikazi bazo maduzane.
